ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިއްޔެ އިއްވި މިއަހަރުގެ ރިޔާސީ ބަޔާނުގައި ޤައުމުގެ ސަލާމަތީ ބާރުތަކުގެ ޤާބިލުކަން އިތުރުކޮށް، ޤައިމުގެ ސަލާމަތާއި މިނިވަންކަން ދެމެހެއްޓުމަށް ވޭތުވި އަހަރު ކުރެއްވި މުހިންމު މަސައްކަތްޕުޅުތަކާއި، މިއަހަރަށް ކުރަން ކަނޑައަޅާފައިވާ މަސައްކަތްޕުޅުތަކަށް ވަނީ އަލިއަޅުއްވާލައްވާފައެވެ.

މި ބަޔާނުގައި ޤައުމުގެ ސަލާމަތާއި ރައްކާތެރިކަން ކަށަވަރުކުރުމަކީ ދުވަހަކުވެސް ފަރުވާކުޑަކޮށްނުލާނެ ޤައުމީ ވާޖިބެއްކަމުގައި އެމަނިކުފާނު ވިދާޅުވެފައިވެއެވެ.

މި މައުލޫ ފައްޓަވަމުން އެމަނިކުފާނު ގެންނަވާފައި ވަނީ އަންނިވި އިބާރާތްކޮޅެވެ.

''ވެރިކަމާ ހަވާލުވެ ޤައުމާ މުޚާޠަބުކުރި ފުރަތަމަ ދުވަހު، ވީ އެންމެ ބޮޑު ވަޢުދަކީ، ދިވެހީންގެ މިނިވަންކަމާއި އަމިއްލަވަންތަކަން ހިމާޔަތްކޮށްދޭނެކަމުގެ ވަޢުދު. މި ލޮބުވެތި ޤައުމުގެ މިނިވަންކަމަށް ކުޑަވެސް ލޮޅުމެއް އަރައިފާނެ ކަމަކަށް ދޫނުދިނުމަކީ އަޅުގަނޑުގެ ޢަޒުމް. އެއީ އަޅުގަނޑުގެ އަމިއްލަ ނަފުސުގެ މައްޗަށް އަޅުގަނޑު ލާޒިމުކުރާ، ދުވަހަކު ވެސް ފަރުވާކުޑަކޮށްނުލާނެ ޤައުމީ ވާޖިބެއް. އެހެންކަމުން ކަނޑާ އެއްގަމާ ވައިގެ ގޮތުން ވެސް އަމިއްލަ ޤައުމު އަމިއްލައަށް ދިފާޢުކުރެވޭނެވަރުގެ ޤާބިލުކަން އުފައްދަން މި ސަރުކާރުން މަސައްކަތްކުރާނެ.'' ރައީސް ޑރ.މުޢިއްޒު

ރައީސްގެ މި ރިޔާސީ ބަޔާނުގައި ސަރުކާރުން މި ދާއިރާއަށް ގެނެސްފައިވާ އަދި ގެންނަން ރާވާފައިވާ ތަރައްޤީތަކާއި ކުރިއެރުންތަކުގެ ތަފްޞީލު ހިމަނުއްވާފައިވެއެވެ. މިކަންކަމުގެ މައްޗަށް ޚުލާސާކޮށް ބަލާލާއިރު،

ކޯސްޓްގާޑުގެ ޚިދުމަތް ފުޅާކުރުން

ރައީސް ވިދާޅުވިގޮތުގައި، އެމް.އެން.ޑީ.އެފް ކޯސްޓްގާޑުގެ ޚިދުމަތް ދެގުނަ ކުރުމުގެ މަސައްކަތް ވަނީ ފަށާފައެވެ. މީގެ ތެރޭގައި:

• ކޯސްޓްގާޑަށް ބޭނުންވާ އުޅަނދުފަހަރު ހޯދުމުގެ މަސައްކަތް ކުރިއަށްދާކަން

• އިތުރު މަރުކަޒުތައް ޤާއިމްކުރުމުގެ މަސައްކަތް ހަލުވި ދުވެއްޔެއްގައި ކުރިއަށްދާކަން

• 3 ނޮވެންބަރު 2024 ގައި 'ސްޕެޝަލް ބޯޓް ސްކޮޑްރަން' އުފައްދައި ޚިދުމަތަށް ނެރެފައިވާކަން

ވައިގެ ދިފާޢު ހަރުދަނާކުރުން

ޤައުމުގެ ވައިގެ ދިފާޢު ހަރުދަނާކުރުމަށް އަޅާފައިވާ ފިޔަވަޅުތަކުގެ ތެރޭގައި:

• 15 މާރިޗު 2024 ގައި އެމް.އެން.ޑީ.އެފް އެއަރ ކޯ އުފެއްދުން

• އަންމޭންޑް އޭރިއަލް ވެހިކަލްތަކުގެ ޚިދުމަތް ފެށުން

• ރާއްޖޭގެ އުތުރާއި ދެކުނުގައި އެއަރ ސްޓޭޝަން ޤާއިމްކުރުމުގެ މަސައްކަތް ފެށުން

އެހެނިހެން ތަރައްޤީތައް

• އެމް.އެން.ޑީ.އެފްގެ މެރީން ކޯގެ ކެޕޭސިޓީ އިތުރުކުރުން

• ގިރިފުށީ ޓްރެއިނިންގ މަރުކަޒުގެ ޖާގައާއި ވަސީލަތްތައް އިތުރުކުރުން

• ފަޔަރ އެންޑް ރެސްކިއުގެ ވަސީލަތްތައް އިތުރުކުރުން

ފުލުހުންގެ ޚިދުމަތް ފުޅާކުރުން

• 17 ނޮވެންބަރު 2023 އިން ފެށިގެން 27 ރަށުގައި ޕޮލިސް ސްޓޭޝަން ހުޅުވުން

• މިއަހަރު ނިމޭއިރު ހުރިހާ ރަށެއްގައި ފުލުހުންގެ ޚިދުމަތް ޤާއިމްކުރުން

• 20 ރަށެއްގައި ދާއިމީ ޕޮލިސް ސްޓޭޝަން އެޅުމުގެ މަސައްކަތް ފެށުން

މަސްތުވާތަކެއްޗާއި ގޭންގު ހަރަކާތްތަކާ ދެކޮޅަށް

• ދިވެހި ފުލުހުންގެ ޚިދުމަތުގެ އިންސާނީ އަދި އެހެނިހެން ވަސީލަތްތައް އިތުރުކުރުން

ރައީސްގެ މި ބަޔާނުން އެނގެނީ، ޤައުމުގެ ސަލާމަތާއި ރައްކާތެރިކަމަށް ސަރުކާރުން ދެއްވާ އިސްކަމާއި، މި ދާއިރާ ތަރައްޤީކުރުމަށް ކުރަމުންދާ މަސައްކަތްތަކެވެ. މި ހުރިހާ ފިޔަވަޅުތަކަކީވެސް ދިވެހިރާއްޖޭގެ ސަލާމަތާއި ރައްކާތެރިކަމަށް ވަރަށް މުހިންމު ބޭނުންތެރިކަންކަމާމެދު ޝައްކެތްނެތެވެ.