ޝަހީދުންގެ އާއިލާތަކަށް ފައިސާ ދިނުން ހުއްޓާލަނީ


11 ފެބްރުއަރީ 2025 - 12:03
ޔަހޫދީންގެ ލާއިންސާނީ ޖަރީމާތަކުގައި ޝަހީދުވާ މީހުންގެ ޢާއިލާތަކަށް މާލީ އެހީތެރިކަން ފޯރުކޮށްދިނުމަށް ހިންގަމުންދާ ޕުރޮގުރާމު ހުއްޓައިލަން ރައީސް މަޙްމޫދު ޢައްބާސް ނިންމަވައިފިއެވެ.
ފަލަސްޠީނާއި އެމެރިކާއާ ދެމެެދު އެންމެ ބޮޑު ޚިޔާލުތަފާތުވުންތަކެއް އުފެދިފައިވާ މި ޕުރޮގުރާމު އުވައިލުމަށް ނިންމަވައި ޢައްބާސް ވަނީ ޤަރާރެއް ނެރުއްވައިފައެވެ.
މި ޤަރާރުގައި ބުނެފައި ވަނީ، ޔަހޫދީން ހައްޔަރު ކުރާ ފަލަސްޠީނުގެ ރައްޔިތުންނާއި، ޔަހޫދީންގެ ލާއިންސާނީ ޖަރީމާތަކުގައި ޝަހީދުވާ މީހުންގެ ޢާއިލާތަކަށް ފޯރުކޮށްދޭ މާލީ އެހީތެރިކަން މިއަށް ފަހު ދޫކުރެވޭނީ ޢައްބާސްގެ އޮފީހާ ގުޅުން އޮތް އެހެން އިދާރާއަކަށް ކަމުގައެވެ. އެއަށް ފަހު، އެ ފައިސާއާ މެދު އަމަލު ކުރާނެ ގޮތެއް ޢައްބާސްގެ އޮފީހުން ހާމަކޮށްފައެއް ނެތެވެ.މި ޕުރޮގުރާމު އުވައިލުމަށް އެމެރިކާއިން ދަނީ ޢައްބާސްގެ ސަރުކާރަށް ބާރު އަޅަމުންނެވެ. މި ނިޒާމު އުވައިލުމަށް ޢައްބާސް ނިންމަވާފައި މި ވަނީ، ފަލަސްޠީނަށް ފޯރުކޮށްދޭ މާލީ އެހީ ދަށްވެ، ޓެކުހާއި އެހެން ގޮތްގޮތުން ލިބޭ ފައިސާ ޔަހޫދީން ހިފަހައްޓަމުންދާ ދަނޑިވަޅެއްގައެވެ.
މީގެ އިތުރުން، ޣައްޒާ ޢުދުވާނާ އެކު، ފަލަސްޠީނުގެ ރައްޔިތުންނަށް އާމްދަނީ ހޯދުމަށް ވަޒީފާ އަދާ ކުރުމަށް ވެސް ޔަހޫދީން ދަނީ ހުރަސް އަޅަމުންނެވެ. މި ކަމާ ގުޅިގެން ސަރުކާރާ ޢާންމު ރައްޔިތުންގެ މާލީ ހާލަތު ދަށްވެފައިވާ ކަން ފާހަގަކޮށް، ޢައްބާސްގެ ސަރުކާރުން ވަނީ އިތުރު އެހީތެރިކަން ފޯރުކޮށްދިނުމަށް ޢަރަބި އަދި ވިލާތުގެ ޤައުމުތަކަށް ގޮވައިލާފައެވެ.
އެމެރިކާއާއި ޔަހޫދީންގެ އިތުރުން ޔަހޫދީންގެ މަދަދުގާރުން ޤަބޫލު ކުރާ ގޮތުގައި އެ ޕުރޮގުރާމަކީ ޔަހޫދީންނާ ދެކޮޅަށް ޖިހާދު ކުރުމަށް ފަލަސްޠީނުގެ މުސްލިމުންނަށް ހިތްވަރުދޭ ސިޔާސަތެކެވެ. ނަމަވެސް، ފަލަސްޠީނުގެ ސަރުކާރުން މި ތުހުމަތާ އިންކާރު ކުރެއެވެ.
އިތުރު ލިޔުންތައް

ފަލަސްތީނުގެ ވޯލްޑް ކަޕް ޑްރީމް: ހަނގުރާމައިގެ ތެރޭގައި އުއްމީދުގެ އަލިކަމެއް
7 މަސް ކުރިން
އިޒްރޭލް ޕާސްޕޯޓް މަނާ ކުރުމުގެ މަސައްކަތް މަޖިލީހުގެ އަންނަ ދައުރުގައި ފަށާނެ : ހީނާ
7 މަސް ކުރިން
އިސްރާއީލުން ފަލަސްތީނުގެ އިތުރު 24 މީހުން ޝަހީދުކޮށްލައިފި
7 މަސް ކުރިން