މިދިޔަ ހަފްތާގައި 218 މަސް ދޯންޏަކަށް މިފްކޯއިން 34.7 މިލިޔަން ރުފިޔާ ދޫކޮށްފި
.webp&w=3840&q=75)

17 ފެބްރުއަރީ 2025 - 05:22
މިފްކޯއިން މިދިޔަ ހަފްތާގައި 218 މަސް ދޯންޏަކަށް 34.7 މިލިޔަން ރުފިޔާ ދޫކޮށްފިއެވެ.
މިއީ އޭގެ ކުރީ ހަފްތާއާ އަޅާބަލާއިރު 10.8 އިންސައްތަ އިތުރު އަދަދެކެވެ.
މިފްކޯގެ ތަފާސްހިސާބުތަކުން ދައްކާގޮތުގައި ފެބްރުއަރީ މަހުގެ ފުރަތަމަ ހަފްތާގައި 31.3 މިލިޔަން ރުފިޔާ ވަނީ މަސްވެރިންނަށް ދޫކޮށްފައެވެ. އަދި މިއަހަރުގެ ޖަނަވަރީ މަހު މަސްވެރިން ކިރުވާފައިވާ މަހަށް މިފްކޯއިން ވަނީ ޖުމްލަ 117 މިލިޔަން ރުފިޔާ ދޫކޮށްފައެވެ. މިއީ 2023 ވަނަ އަހަރުގެ ޑިސެންބަރުމަހާއި އަޅާބަލާއިރު 122 އިންސައްތައިގެ އިތުރުވުމެކެވެ. ޑިސެންބަރުމަހު މިފްކޯއިން މަސްވެރިންނަށް ދޫކޮށްފައިވަނީ 52 މިލިޔަން ރުފިޔާއެވެ.
މިދިޔަ ބުދަ ދުވަހަކީ ފަހުގެ ތާރީޚެއްގައި އެންމެ ގިނަ އަދަދަކަށް މިފްކޯއަށް މަސް ކިރުވި ދުވަސްކަމަށް މިފްކޯއިން ހާމަކޮށްފައިވެއެވެ. އެދުވަހު 546 ޓަނުގެ މަސް ކިރުވާފައިވާއިރު، 48 ދޯންޏަކަށް 7.6 މިލިޔަން ރުފިޔާ މަސްވެރިންނަށް ދޫކޮށްފައިވެއެވެ.
މިފްކޯއިން މިހާ ބޮޑު އަދަދެއްގެ ފައިސާ މަސްވެރިންނަށް ދޫކުރުމަކީ ރާއްޖޭގެ މަސްވެރިކަމުގެ ސިނާއަތަށް ލިބޭ ވަރަށް ބޮޑު ހިތްވަރެއްކެވެ. އަދި މިކަމުގެ ސަބަބުން މަސްވެރިކަމުގެ ދާއިރާއަށް އިތުރު ކުރިއެރުންތަކެއް ލިބިގެންދާނެއެވެ.
ރައީސް ޑރ. މުހައްމަދު މުޢިއްޒުގެ ސަރުކާރުން މަސްވެރިކަމުގެ ދާއިރާއަށް ޚާއްސަ އަހައްމިއްޔަތުކަމެއް ދެއްވައެވެ.
އިތުރު ލިޔުންތައް

މަސްވެރިންގެ ޤައުމީ ދަފްތަރުގައި މިހާތަނަށް 200 އުޅަނދު
8 މަސް ކުރިން
ކުދި ވިޔަފާރިއާއި މެދުފަންތީގެ ވިޔަފާރިތަކަށް ޚާއްސަކޮށްގެން މަސް ބަންދުކުރާ ފެސިލިޓީއެއް
8 މަސް ކުރިން
ބިލިއަނެއްހާ ރުފިޔާގެ މަންފާއެއް ލޭނު މަސްވެރިކަމުން ރާއްޖެއަށް ލިބޭނެ: މިނިސްޓަރ ޝިޔާމް
7 މަސް ކުރިން