ނ. ލަންދޫގައި އޭޓީއެމްގެ ހިދުމަތް ދިނުމަށް ސަރުކާރުން ކުރަމުންދާ މަސައްކަތަށް މިހާރު މިތިއްބެވި އިދިކޮޅު އެންޑީޕީގެ ތިން މެންބަރުން ދެކޮޅު ހަދަނީ ރައީސުލްޖުމްހޫރިއްޔާ ޑރ. މުއިއްޒު ސަރުކާރުން މިކަން ކުރައްވާތީ ކަމަށް އެމްޑީޕީ ޓިކެޓުގައި ކައުންސިލަށް އިންތިހާބުވި ލަންދޫ ކައުންސިލްގެ ނައިބު ރައީސް މަންސޫރު މުހައްމަދު ވިދާޅުވެއްޖެއެވެ.

މަންސޫރު މިފަދައިން ވިދާޅުވީ މެންދުރު ޓީވީގެ މަޢުޟޫ ޕްރޮގްރާމުގައި ވާހަކަފުޅު ދައްކަވަމުނެވެ.

މަންސޫރު މައުލޫމާތު ދިން ގޮތުން މިިދިޔަ ހަފްތާގައި ވެސް މިކަމަށް ގޮތެއް ނިންމުމަށް ބައްދަލުވުމެއް ބޭއްވި ކަމަށާއި އެ ކައުންސިލުން ހުއްޓުމެއް ނެތި އަންނަނީ މި މައްސަލަ ކައުންސިލްގެ ބައްދަލުވުމަށް އެޖެންޑާ ކުރަމުން ކަމަށެވެ.

އެހެން ނަމަވެސް މި ނިމިގެން ދިޔަ އިންތިހާބު 33 ގޮނޑި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ހިންގާ ޕާޓީ ޕީއެންސީ އިން ކާމިޔާބު ކުރި . އެ ރައްޔިތުން ނިންމި ނިންމުމާ އެއްގޮތައް އާދިއްތަ ދުވަހު އާ ކައުންސިލް އަށް ޕީއެންސީގެ ފުރަތަމަ މެންބަރު ހުވާ ކުރައްވާނެ . ހުވާ ކުރުމައްފަހު މި އޭޓީއެމް އެޅުމުގެ މައްސަލައަށް ހައްލު ހޯދަވައިދެއްވާނެ ކަމުގެ ޔަގީން ވަނީ ރައްޔިތުންނަށް ދެއްވާފަ. ދެން އޮންނަ ބައްދަލުވުމުގަ އޭޓީއެމް ލަންދޫގަ އެޅުމަށް ކައުންސިލް އިން ބަލަހައްޓާ ގޮތަށް ފާސްކޮށްދެއްވާނެ .

އަދި މިމައްސަލަ އެއްކޮށް ހައްލު ވާން އަންނަނީ ކައުންސިލް މެންބަރު ހުވާ ކުރުމަށް ފަހުގައިކަން މަންސޫރު ވަނީ ފާހަގަ ކުރައްވާފައެވެ.

މަންސޫރު ވިދާޅުވީ ކައުންސިލްގެ މެމްބަރުން މިކަމަށް ހުރަސްއަޅުއްވަން ދައްކަނީ އަސްލެއް ނެތް ގަބޫލުނުކުރެވޭ ވާހަކަތަކެއްކަމަށެވެ. އެގޮތުން ބޭންކް އޮފް މޯލްޑިވްސް އަށް ސަތޭކަ އިންސައްތަ ފައިދާވާއިރު އޭޓީއެމް އެއް އަޅައިގެން އެ އޭޓީއެމް ފޮޅާ ސާފުކުރުމަކީ ކައުންސިލްގެ މެންޑޭޓްގެ ތެރެއަށް ލެވިގެން ވާނެކަމެއްނޫންކަމުގައި ބުނަމުން އަންނަކަމަށް މަންސޫރުވިދާޅުވިއެވެ.

މި ހިނގާ 2025 ވަނަ އަހަރުގެ ތެރޭގައި ރާއްޖޭގެ ހުރިހާ ރަށެއްގައި އޭޓީއެމްގެ ހިދުމަތް ގާއިމު ކުރެވިގެން ދާނެކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒުވަނީ ވިދާޅުވެފައެވެ.

ލޯކަލް ޓޫރިޒަމް ފުޅާވެފައިވާ ރަށްތަކުގައި ޑޮލަރު އޭޓީއެމް ވެސް ބެހެއްޓުމަކީ އެމަނިކުފާނުގެ ރިޔާސީ ވައުދެކެވެ.