ދިގު ކިޔު އަށް ނޭރިޔަސް ކުރިއަށްއޮތް ދުވަސްތަކުގައި ރޯދަ ހަދިޔާ ދޫކުރުމަށް ހަމަޖެހިފައިވާތީ، ގިނަ ވަގުތު ކިޔު ގައި ނުތިއްބަސް ރޯދަ ހަދިޔާ ހުރިހާ ގޭބީސީ ތަކަށް ލިބެންދެން 28 ފެބްރުއަރީ ގެ ފަހުން ވެސް ކުރިއަށް ގެންދާނަނެ ކަމަށް ވަޒީރު އާދަމް ޝަރީފް އުމަރު ވިދާޅުވިއެވެ.

މިދުވަސްވަރަކީ ހޫނުގަދަ ދުވަސްވަރަކަށް ވާތީ ދުވާލު ރޯދަ ހަދިޔާ ދޫކުރުމެއް ނޯންނާނެ ކަމަށާއި މިރޭ 8.00 ން 12.00 ށް ތިރީގައިވާ ތަންތަނުން ރޯދަ ހަދިޔާ ދޫކުރާނެ ކަމަށް ވަޒީރު ވިދާޅުވިއެވެ.

އަދި މަސް ދަޅު ތަށް ދޫ ކުރުން އޮތީ މިފްކޯ ކޮމްޕްލެކްސް (މާފަންނު)، އެމް.ޓީ.ސީ.ސީ ސޯމިލް، ހެންވޭރު ދަނޑު، ގަލޮޅު ދަނޑު – ސެޓަޕް 1، ގަލޮޅު ދަނޑު – ސެޓަޕް 2، ގަލޮޅު ދަނޑު – ސެޓަޕް 3، ގަލޮޅު ދަނޑު – ސެޓަޕް 4، ސޯޝަލް ސެންޓަރު، ވިލިމާލެ – ވެމްކޯ ސައިޓް، ހުޅުމާލެ – އުމަރު ޒާހިރު ބިލްޑިންގ، ހުޅުމާލެ – ޕޮލްކޯ ޓަވރ (ސީ ބްލޮކް)، ހުޅުމާލެ – ހިޔާ ޓަވަރު 10 އަދި ހުޅުމާލެ – ކާމިލްދީދި ޕްރީސްކޫލް އިން ނެވެ.

މާލޭގެ ހުރިހާ ގޭބިސީތަކަށް ރޯދަ ހަދިޔާ ލިބެންދެން މަސައްކަތް ކުރިއަށް ގެންދާނެ ކަމަށް ވެސް ވަޒީރު ވިދާޅުވިއެވެ.

Ad by Hajj Corporation

ރޭގަނޑުގަޑީ ކިޔުގައި ގިނަ ވަގުތު ތިބެން ޖެހުނީތީ ހިތާމަކުރާ ކަމަށް ވަޒީރު ވިދާޅުވިއެވެ. އަދި މޭން ޕަވާ އިތުރުކޮށް އިންތިޒާމުތައް ރަނގަޅު ކުރުމަށް މަސައްކަތް ކުަރަމުން ދާ ކަމަށް ވެސް ވަޒީރު ވިދާޅުވިއެވެ.