ސަރުކާރުގެ ސިޔާސަތަކީ ކައުންސިލްތައް ބާރުވެރިކުރުވުމާއި ކައުންސިލްތަކަށް މާލީ ގޮތުން ބާރުވެރިކަން ހޯދައިދިނުން ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރު ކައުންސިލްތަކަށް ތަޢުރީފްކުރައްވައިފިއެވެ. އެމަނިކުފާނު މިފަދައިން ވިދާޅުވީ އއ. އުކުޅަހުގައި ކުރިއަށްދާ "ރަށްވެހިންގެ ސައްލާ"ގައި ދެއްކެވި ވާހަކަފުޅުގައެވެ.

އަދި ރައްޔިތުން ބޭނުންވަނީ ކައުންސިލްތައް ރައްޔިތުންނާއި ގުޅިގެން މަސައްކަތް ކުރަންކަމަށާއި ރައްޔިތުންނާއި މަޝްވަރާކޮށްގެން ކަންކަން ކުރިއަށް ގެންދިޔުންކަމަށްވެސް ވަޒީރު ވިދާޅުވިއެވެ.

Ad by Hajj Corporation

އއ. އުކުޅަހުގައި ކުރިއަށްގެންދިޔަ 'ރަށްވެހީންގެ ސައްލާ' ފޯރަމް ފެށުމުގެ ރަސްމިއްޔާތުގައި ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވަޒީރު އާދަމް ޝަރީފް އުމަރު ވިދާޅުވީ ލާމަރުކަޒީ ނިޒާމަކީ އައު ނިޒާމެއް ނޫންކަމަށެވެ. އެހެންނަމަވެސް މި ނިޒާމަށް ގާނޫނީ ބާރުވެރިކަން ލިބިގެން ދިޔައީ ފެހި ގާނޫނޫ އަސާސީ ވުޖޫދުވެގެން އައިފަހުންކަމަށް ވަޒީރު ވިދާޅުވިއެވެ.

ވަޒީރުގެ ވާހަކަފުޅުގައި ކައުންސިލްތަކުން ރައްޔިތުން ބާރުވެރިކުރުމަށްޓަކައި މިހާތަށް ކުރައްވާފައިވާ މަސައްކަތްތަކަކީ ވަރަށް ކާމިޔާބު މަސައްކަތެއްކަަމަށެވެ. އެމަސައްކަތްތަކުން ލާމަރުކަޒީ ނިޒާމު ހަރުދަނާވެފައިވާކަމަސާއި، މިހާރު މި ނިޒާމަކީ ރައްޔިތުން ބަލައި ގަންނަ އެއްޗަކަށް ވެފައިވާކަމަށެވެ.

ރާއްޖޭގެ ލާމަރުކަޒީ ނިޒާމު ހަރުދަނާކޮށް، ރައްޔިތުން ބާރުވެރި ކުރުމުގެ ސަޤާފަތެއް އުފެެއްދުމަށް ޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންދަވަނީ ވަރަށް ހަރުދަނާ މަސައްކަތްޕުޅުތަކެއް ކުރައްވަމުންކަމަށްވެސް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރު ވިދާޅުވިއެވެ.