އަމާޒަކީ ޑިޖިޓަލް ވަޞީލަތްތަކާއެކު ރާއްޖޭގައި ދެވޭ ޞިއްޙީ ޚިދުމަތްތަކުގެ ފެންވަރު ރަނގަޅުކުރުންކަމަށް ޞިއްޙީ ވަޒީރު ޢަބްދުﷲ ނާޡިމް އިބްރާހީމް ވިދާޅުވެއްޖެއެވެ.

އެޕޯލޯ ހޮސްޕިޓަލްސްގެ ފަރާތުން ބޭއްވި 12 ވަނަ އިންޓަރނޭޝަނަލް ޕޭޝަންޓް ސޭފްޓީ ކޮންފަރެންސްގެ ތެރެއިން ކުރިއަށްދިޔަ ގްލޯބަލް ހެލްތު ޑަޔަލޮގްގައި ވާހަކަފުޅު ދައްކަވަމުން މިނިސްޓަރ ނާޒިމް ވަނީ ފެންވަރު ރަނގަޅު ފަރުވާއެއް ދިނުމުގައި ޑިޖިޓަލް ޓެކްނޮލޮޖީގެ ވަޞީލަތްތައް މުހިންމު ދައުރެއް އަދާކުރާކަމަށެވެ.

ޑިޖިޓަލް ވަޞީލަތްތައް ޤާއިމުކޮށް ޞިއްހީ ނިޒާމު ހަރުދަނާކުރުމަކީ ސަރުކާރުގެ އަމާޒެއް ކަމަށެވެ. އެ ގޮތުން ރާއްޖޭގެ ޑިޖިޓަލް ހެލްތު ބްލޫޕްރިންޓް ފްރޭމްވަރކް ވަރަށް އަވަހަށް އިފްތިތާޙުކުރެވޭނެ ކަމަށް މިނިސްޓަރ ވިދާޅުވިއެވެ.

" ޑިޖިޓަލް ޞިއްޙަތާއި ޞިއްޙީ ޚިދުމަތްތަކުގައި ޓެކްނޮލޮޖީ ބޭނުންކުރުމަކީ އަޅުގަނޑުމެން ޞިއްޙީ ދާއިރާގެ އިސްވެރިންގެ ހައިސިއްޔަތުން އެންމެ އިސްކަންދޭންޖެހޭ ދާއިރާތަކުގެ ތެރޭގައި ހިމެނޭ ކަންކަން ކަމުގައި އަޅުގަނޑު ޤަބޫލުކުރަން. ޓެކްނޮލޮޖީއަކީ ޞިއްޙީ ޚިދުމަތް ފޯރުކޮށްދިނުމުގައި ކުރިއަށް ދެވޭނެ މަގެއް ކަމުގައިވާއިރު، ޚާއްޞަކޮށް ދިވެހިރާއްޖެ ފަދަ ކުދިކުދި ރަށްތަކެއްގައި އާބާދީ ބެހިފައިވާ ޤައުމުތަކުގައި މިކަން ވަރަށް މުހިންމު. "

މިނިސްޓަރ ފެބުރުއަރީ މަހުގެ 20 ވަނަ ދުވަހުން ފެށި މި ދަތުރު ނިންމަވާލެއްވުމަށް ފަހު މާލެ ވަޑައިގަތުމަށް ހަމަޖެހިފައިވަނީ މިއަދު އެވެ.