ފުވައްމުލަކު ސިޓީން ފެށިގެން އައްޑޫ ސިޓީ އަށް މޫސުން ގޯސްވާނެކަމަށް ލަފާކޮށް މޫސުމީ އެލާޓް، ޔެލޯ އެލާޓް ނެރެފިއެވެ.

މެޓް އޮފީހުން ބުނީ މި ސަރަހައްދު ތަކަށް މި އެލާޓްގެ ވަގުތުގައި ބޯކޮށް ވާރޭވެހި ގުގުރައި އަދި ކަނޑުތައް ގަދަވާނެކަމަށް ލަފާކުރެވޭ ކަމަށެވެ.

މި އެލާޓްގެ ވަގުތުގައި ގަޑިއަކު 45 މޭލަށް ވައި ގަދަވާނެކަމަށް ވެސް މެޓުން ވަނީ ލަފާކޮށްފައެވެ.

މެޓުން ވަނީ މި އެލާޓްގެ ވަގުތު އިރުއޮއްސި 6:30 އާއި ހަމައަށް ދީފައެވެ.

މޫސުމާބެހޭ ޤައުމީ އިދާރާއިން ހާމަކޮށްފައިވާ ގޮތުގައި، އަންނަ ހޯމަ ދުވަހާ ހަމައަށް ރާއްޖޭގެ ބޮޑު ސަރަހައްދަކަށް ވިއްސާރަކުރާނެއެވެ. ވަކިން ޚާއްސަކޮށް މެދުރާއްޖެތެރެއާއި ދެކުނުގެ އަތޮޅުތަކަށް ގުގުރުމާއެކު ބޯކޮށް ވާރޭ ވެހި، ވައިވެސް ގަދަވާނެ ކަމަށް އެ އިދާރާއިން ބުނެފައިވެއެވެ.