ގައްޒާގެ ރައްޔިތުން އެހެން ތަނަކަށް ބަދަލުކުރުމަށް ލީޑަރުންގެ ކުއްލި ސަމިޓެއް


05 މާރިޗު 2025 - 08:01
ޓްރަމްޕް ހުށަހެޅި، ގައްޒާގައި ދިރިއުޅޭ ފަލަސްޠީނުގެ ރައްޔިތުން އެހެން ތަނަކަށް ބަދަލުކުރުމުގެ ޕްލޭނަކާ ގުޅިގެން ޢަރަބި ލީޑަރުން ކައިރޯގައި ކުއްލި ސަމިޓެއް ބާއްވައިފިއެވެ.
ސަމިޓުގައި ބައިވެރިވި ފަރާތްތަކުން އެއްބަސްވެފައިވަނީ، ފަލަސްޠީނުގެ ރައްޔިތުން އެހެން ތަނަކަށް ބަދަލުނުކޮށް، ކުއްލި އެހީތެރިކަމާއެކު ފެށި، ގައްޒާ އަލުން އިމާރާތްކުރުމަށް ކުރިއަށްދާނެ ޕްލޭނެއް ތަންފީޒުކުރުމަށެވެ.ފުރަތަމަ މަރުހަލާ ކުރިއަށްދާނީ 6 މަސްދުވަހުގެ މުއްދަތަށް ކަމަށާއި، ދެން އޮތް ދެ މަރުހަލާ ކުރިއަށްދާނީ ޖުމްލަ 4 އިން 5 އަހަރުގެ މުއްދަތަށެވެ.6 މަސްދުވަހުގެ ވަގުތީ މުއްދަތުގައި، ފަލަސްޠީނު އޮތޯރިޓީގެ ބެލުމުގެ ދަށުން މަސައްކަތްކުރާ ފަލަސްޠީނު ޓެކްނޮކްރެޓުންގެ ކޮމިޓީއަކުން، ގައްޒާ ސްޓްރިޕްގެ މައި އުތުރު-ދެކުނު މަގު ކަމުގައިވާ ސަލާހުއްދީން މަގުން ވީރާނާތައް ސާފުކުރާނެއެވެ.މަގުތައް ސާފުކުރުމަށްފަހު، 1.2 މިލިއަން މީހުންނަށް ހިޔާވަހިކަން ފޯރުކޮށްދިނުމަށް 200,000 ވަގުތީ ގެ އިމާރާތްކުރެވޭނެއެވެ. އަދި ގެއްލުން ލިބިފައިވާ 60,000 އިމާރާތް މަރާމާތުކުރެވޭނެއެވެ.ބްލޫޕިރިންޓުގައިވާ ގޮތުން، ވަގުތީ ފިޔަވަޅުތައިޔަވަޅުތައް ނިމުމަށްފަހު، ދިގު މުއްދަތުގެ އަލުން އިމާރާތްކުރުމަށް އިތުރު 4 އިން 5 އަހަރު ހޭދަވާނެއެވެ. މި މުއްދަތުގައި މަދުވެގެން 400,000 ދާއިމީ ގެ އިމާރާތްކުރުމާއި، ގައްޒާގެ ބަނދަރާއި ބައިނަލްއަޤްވާމީ ވައިގެ ބަނދަރު އަލުން އިމާރާތްކުރުމަށް ވަނީ ރޭވިފައެވެ.މީގެ އިތުރުން، ފެނާއި، ކުނި ނައްތާލުމުގެ ނިޒާމާއި، ޓެލެކޮމިއުނިކޭޝަން ޚިދުމަތްތަކާއި، ކަރަންޓުގެ ޚިދުމަތްތައްވެސް މަޑުމަޑުން އަލުން ޤާއިމުކުރެވޭނެއެވެ.އަދި ގައްޒާ ސްޓްރިޕް އަލުން އިމާރާތްކުރުމަށާއި، ދިގު މުއްދަތުގެ ތަރައްޤީއަށް ބޭނުންވާ ފައިސާ ހޯދުމަށް ބައިނަލްއަޤްވާމީ ހިލޭ އެހީ ދޭ ފަރާތްތަކުގެ ކޮންފަރެންސްތަކެއް ބޭއްވޭނެއެވެ.
އިޖިޕްޓްގެ ޚާރިޖީ ވަޒީރު ބަދުރު އަބްދުލްއައްޓީ ވިދާޅުވެފައިވަނީ، އިޖިޕްޓުން ޣައްޒާއާ ގުޅޭ ގޮތުން އެކުލަވާލާފައިވާ ޕްލޭން އިސްލާމިކް ކޯޕަރޭޝަން (އޯއައިސީ) އަށް ފާސްކުރުމަށް ހުށަހަޅާނެ ކަމަށެވެ."އިރާދަކުރެއްވިއްޔާ މާރޗް 7 ގައި ޖިއްދާގައި އޯއައިސީގެ މެންބަރު ޤައުމުތަކުގެ ޚާރިޖީ ވަޒީރުންގެ ކުއްލި ބައްދަލުވުމެއް ބޭއްވޭނެ، އަދި އަޅުގަނޑުމެން މަސައްކަތް ކުރާނީ މި ޕްލޭން ފާސްކުރުމަށް، އެއީ މިއީ އަރަބި ޕްލޭނަކަށް އަދި އިސްލާމީ ޕްލޭނަކަށް ވުމަށްޓަކައި" ކަމަށް އަބްދުލްއައްޓީ ނޫސްވެރިންނަށް ވިދާޅުވިއެވެ.އޯއައިސީގައި 57 މެންބަރުން ހިމެނޭއިރު، އޭގެ ތެރޭގައި އަރަބި ލީގުގެ 22 މެންބަރުން ވެސް ހިމެނެއެވެ.
އިތުރު ލިޔުންތައް

ފަލަސްތީނުގެ ވޯލްޑް ކަޕް ޑްރީމް: ހަނގުރާމައިގެ ތެރޭގައި އުއްމީދުގެ އަލިކަމެއް
7 މަސް ކުރިން
އިޒްރޭލް ޕާސްޕޯޓް މަނާ ކުރުމުގެ މަސައްކަތް މަޖިލީހުގެ އަންނަ ދައުރުގައި ފަށާނެ : ހީނާ
7 މަސް ކުރިން
އިސްރާއީލުން ފަލަސްތީނުގެ އިތުރު 24 މީހުން ޝަހީދުކޮށްލައިފި
7 މަސް ކުރިން