މެރިޓް ބޭސްޑް އިންޖިނިއަރިންގ ސްކޮލަރޝިޕަށް ކުރިމަތިލުމުގެ ފުރުސަތު ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ހުޅުވާލައިފިއެވެ.

ސްޓޭލްކޯއިން ހުޅުވާލި މި ސްކޮލަރޝިޕްގެ ދަށުން އިނގިރޭސިވިލާތުގައި ބެޗްލަރސް ޑިގްރީ ހާސިލުކުރުމަށް ތިން ފުރުސަތު ލިބިގެންދާނެ އެވެ.

Ad by Hajj Corporation

އެއީ އިލެކްޓްރިކަލް އެންޑް އިލެކްޓްރޯނިކް އިންޖިނިއަރިންގ ދާއިރާއިން 1 ޖާގައާއި މެކޭނިކަލް އިންޖިނިއަރިންގ ދާއިރާއިން 2 ޖާގައެވެ.

ސްޓެލްކޯއިން ބުނީ ސްކޮލަރޝިޕަށް ކުރިމަތިލެވޭނީ 24 އަހަރުން ދަށުގެ ދިވެހި ދަރިވަރުންނަށް ކަމަށާއި، އަދި އޭލެވެލްގައި ހިސާބާއި ފިޒިކްސް ނުވަތަ ކެމިސްޓްރީ އާއި ކޮމްޕިއުޓަރ ސައިންސް ހިމެނޭހެން ދެ އޭސްޓަރ އަދި އޭއެއް ހޯދާފައިވުން ލާޒިމްކަމަށެވެ.

ސްކޮލަރޝިޕްގެ ދަށުން ކޯސްފީ، ސްޓައިޕަންޑް، ވިސާ ފީ، ދެކޮޅު ޓިކެޓް، ބުކް އެލަވަންސް އަދި އެސްޓަބްލިޝްމަންޓް އެލަވަންސް ލިބޭނެއެވެ.

ކޯސް ނިންމުމަށްފަހު ދަރިވަރުން ސްޓެލްކޯއަށް ޚިދުމަތްކުރަން ޖެހޭނެކަމަށް އެކުންފުނިން މައުލޫމާތުދެއެވެ. ސްކޮލަރޝިޕަށް ކުރިމަތިލުމުގެ ސުންގަޑިއަކީ އަންނަ އޭޕްރިލް މަހުގެ ނިޔަލަށެވެ.