ދެމެހެއްޓެނިވި ގޮތެއްގައި ސާފު ފެނުގެ ޚިދުމަތް ފޯރުކޮށްދިނުމަކީ އެންމެ އިސްކަންދޭ ކަންތައްކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ދުނިޔޭގެ ފެނުގެ ދުވަހުގެ ތަހުނިޔާ ފޮނުއްވަމުން ސޯޝަލް މީޑީޔާގައި ކުރެއްވި ޕޯސްޓެއްގައި ރައީސް ވިދާޅުވީ، މިއަދުގެ ޝިއާރުކަމުގައިވާ "ގްލޭސިއާ ޕްރެޒެވޭޝަން" އަކީ މޫސުމަށް އަންނަ ބަދަލުތަކާއި ފެނުގެ ވަސީލަތްތަކުގެ މަދުކަމާއި، އިންސާނީ ޏާޒުކުކަން ގުޅިފަައި އޮތް ކަމުގެ ވަރުގަދަ ހަނދާން އައުކޮށްދިނުމެއް ކަމަށެވެ.

އެހެންކަމުން ދެމެހެއްޓެނިވި ގޮތެއްގައި ސާފު ފެނުގެ ޚިދުމަތް ފާރުކޮށްދިނުމަކީ ޤައުމެއްގެ ހައިސިއްޔަތުން އެންމެ އިސްކަންދޭ ކަންތައް ކަމަށާއި، އެފަދަ ނާޒުކުކަން ޙައްލުކުރުމަށް ދެމެހެއްޓެނިވި ގޮތެއްގައި މާނަހުރި ފިޔަވަޅުތަކެއް އެޅުމަކީ މުހިންމުކަމެއް ކަމުގައި ވެސް ރައީސް ވިދާޅުވިއެވެ.