logoEN
ޚަބަރު

އުތީމުގައި ބީއެމްއެލް އޭޓީއެމްގެ ޚިދުމަތް ފަށައިފި

އާމިނަތު ސަފާއާމިނަތު ސަފާ

24 މާރިޗު 2025 - 06:52

ހއ. އުތީމުގައި ބީއެމްއެލް އޭޓީއެމްގެ ޚިދުމަތް ފަށައިފިއެވެ.ދިވެހި ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމް ބެހެއްޓުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގެންގުޅުއްވާ ސިޔާސަތުގެ ދަށުން އުތީމުގައި ގާއިމްކޮށްފައިވާ އޭޓީއެމް، ހުޅުއްވައި ދެއްވީ އިގުތިސާދީ ތަރައްގީއާއި ވިޔަފާރިއާ ބެހޭ ވަޒީރު މުހައްމަދު ސައީދުއެވެ.

މިރަސްމިއްޔާތުގައި ވާހަކަ ދައްކަވަމުން ބީއެމްއެލްގެ ސީއީއޯ މުހައްމަދު ޝަރީފް ވިދާޅުވީ މިއަަރު ނިމޭއިރު ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމްގެ ހިދުމަތް ގާއިމުކުރުމަށް ކުރާ މަސައްކަތުގެ ދަށުން މިއަހަރު ނިމޭއިރު 250 އަށް ވުރެ ގިނަ ބީއެމްއެލްގެ އޭޓީއެމް ގާއިމުކުރެވިގެންދާނެކަމަށެވެ. ރައީސުލްޖުމްހޫރިއްޔާ ޑރ.މުހައްމަދު މުޢިއްޒުގެ އަމާޒަކީ ކިތަންމެ ކުޑަ އާބަދީއެއް އޮތް ރަށެއްނަމަވެސް ބޭންކުގެ ޚިދުމަތް ދިނުންކަމަށް ޝަރީފް ވިދާޅުވިއެވެ.

"މި އޭޓީއެމްތަކުން 24 ގަޑިއިރު ހިދުމަތް ލިބޭނެ. މިއޭޓީއެމްތަކަކީ ރައްޔިތުންގެ އެސެޓެއްގެ ގޮތުގައި ބަލައި ގަތުމަކީ މުހިންމު ކަމެއް. ބީއެމްއެލްއިން ދަނީ މުޅި ރާއްޖެއަށް އަމާޒުކޮށްގެން އިންވެސްޓު ކުރަމުން"

ރާއްޖޭގެ މީހުން ދިރިއުޅޭ ހުރިހާ ރަށެއްގައި މިއަހަރު ނިމުމުގެ ކުރިން އޭޓީއެމް ބެހެއްޓުމަށް ސަރުކާރުން ދަނީ މަސައްކަތް ކުރަމުންނެވެ. މިމަސައްކަތުގެ ދަށުން އުތީމުގައި އޭޓީއެމް ބެހެއްޓުމުގެ އެއްބަސްވުމުގައި ސޮއިކުރައްވާފައިވަނީ މިދިޔަ ޖެނުއަރީ މަހު ރައީސުލްޖުމްހޫރިއްޔާ ޑރ.މުހައްމަދު މުޢިއްޒު ހއ.އަތޮޅަށް ކުރެއްވި ދަތުރުފުޅުގެ ތެރެއިން އުތީމަށް ކުރެއްވި ޒިޔާރަތުގެތެރެއިންނެވެ.

މުޅި ރާއްޖެއަށް ބޭންކު އޮފް މޯލްޑިވްސްގެ އޭޓީއެމް ޚިދުމަތް ފޯރުކޮށްދިނުމުގެ މަސައްކަތް އިފްތިތާހުކޮށްފައިވަނީ މިދިޔަ އަހަރުގެ ނޮވެމްބަރުމަހުގެ ތެރޭގައެވެ. މި މަޝްރޫޢާއެކު ރައްޔިތުންގެ މާލީ ބައިވެރިކަން އިތުރުކުރުމަށް ގިނަ މަސައްކަތްތަކެއް ކުރުމަށް ސަރުކާރުން ވަނީ ރާވާފައެވެ.

ކޮމެންޓް

871x217_placeholder