logoEN
ޚަބަރު

ހއ. އަތޮޅަށް އިތުރު ސެކިއުރިޓީއަކާ ނުލައި ގެސްޓު ހައުސް ފައިނޭންސިންގ ތަޢާރަފްކޮށްފި

މުހައްމަދު މޫސާމުހައްމަދު މޫސާ

25 މާރިޗު 2025 - 01:38

ބޭންކް އޮފް މޯލްޑިވްސް (ބީއެމްއެލް) އިން ތިލަދުންމަތީ އުތުރުބުރި (ހއ.) އަތޮޅަށް އިތުރު ސެކިއުރިޓީއަކާ ނުލައި ގެސްޓު ހައުސް ފައިނޭންސިންގ ތަޢާރަފްކޮށްފިއެވެ.

މި ސްކީމް ތަޢާރަފްކޮށްފައިވަނީ ހއ. ފިއްލަދޫގައި އިއްޔެ ބޭއްވި ޚާއްޞަ ރަސްމިއްޔާތެއްގައެވެ.

މި ސްކީމް ތައާރުފްކޮށްދެއްވީ ތިމާވެއްޓާއި ފަތުރުވެރިކަމާބެހޭ ވަޒީރު ތޯރިގް އިބްރާހިމެވެ.

މި ރަސްމިއްޔާތުގައި ބީއެމްއެލްގެ ސީއީއޯ މުޙައްމަދު ޝަރީފް ވިދާޅުވި ގޮތުގައި މި ފައިނޭންސިންގ ސްކީމަކީ ހއ. އަތޮޅަށް ޚާއްޞަކޮށްގެން ތައްޔާރުކޮށްފައިވާ ސްކީމެކެވެ. މި ސްކީމްގެ ދަށުން ގެސްޓުހައުސް ވިޔަފާރި އަލަށް ފަށަން ބޭނުންވާ ފަރާތްތަކާއި މިހާރު ގެސްޓުހައުސް ވިޔަފާރި ކުރަމުންދާ ފަރާތްތަކަށްވެސް ފައިނޭންސިންގއަށް އެދި ހުށަހެޅޭނެއެވެ.

"މާނައަކީ ގެސްޓުހައުސް އަޅަން އިތުރު ސެކިއުރިޓީއެއް ބޭނުމެއް ނުވާނެ، ގެސްޓުހައުސް މޯގޭޖްކޮށްގެން އެ ފައިސާ ލިބޭނެ،" ޝަރީފް ވިދާޅުވިއެވެ.

މި އައު ފައިނޭންސިންގ ސްކީމާ ގުޅޭ މަޢުލޫމާތު ހއ. އަތޮޅުގެ ރައްޔިތުންނަށް ފޯރުކޮށްދިނުމަށްޓަކައި ބޭންކުގެ ފަރާތުން ޓީމުތަކެއް އެ އަތޮޅުގެ ރަށްރަށަށް ޒިޔާރަތްކުރާނެ ކަމަށް ޝަރީފް ވިދާޅުވިއެވެ.

މި އައު ފައިނޭންސިންގ ސްކީމަކީ ހއ. އަތޮޅުގެ ގެސްޓުހައުސް ވިޔަފާރިއަށް އައު ހިތްވަރެއް ލިބިގެންދާނެއެވެ. އަދި މިކަމުގެ ސަބަބުން އެ އަތޮޅުގެ ފަތުރުވެރިކަމުގެ ސިނާޢަތަށް އިތުރު ކުރިއެރުމެއް ލިބިގެންދާނެއެވެ.

ކޮމެންޓް

871x217_placeholder