ކ. ކާށިދުއާއި ހއ. ކެލާ ފަޅު ތެރޭގައި ރިސޯޓު ހަދަން ބީމަލަށް ހުޅުވާލައިފިއެވެ.

ޓޫރިޒަމް މިނިސްޓްރީން ކުރި އިއުލާނުގައި ބުނީ، ކެލާ ފަޅުން ހިއްކަން ހަމަޖެހިފައިވާ 12.1 ހެކްޓަރުގެ ބިމާއި، ކާށިދޫ ފަޅުން ހިއްކާ 10 ހެކްޓަރުގެ ބިމުގައި ރިސޯޓު ތަރައްގީކޮށް ހިންގުމަށް ޝައުގުވެރިވާ ފަރާތްތަކުން އެކަަމަށް އެދި ބިޑު ހުށަހެޅުމުގެ ފުރުސަތު ހުޅުވާލުމަށް ނިންމާފައިވާކަމަށެވެ. ބިޑު ހުށަހެޅުމުގެ ސުން ގަޑިއަކީ އަންނަ ޖޫން މަހުގެ ފަސްވަނަ ވަނަ ދުވަހެވެ.

ބިޑުގައި ބައިވެރިވުމަށް ޝައުގުވެރިވާ ބޭފުޅުން މިމަހުގެ 15 ވަނަ ދުވަހާއި އަންނަ މޭ މަހުގެ ހަވަނަ ދުވަހު ވާޗުއަލްކޮށް ބާއްވާ މަޢުލޫމާތު ސާފުކުރުމުގެ ބައްދަލުވުންތަކުގައި ބައިވެރިވުމުގެ ފުރުސަތު ވަނީ ހުޅުވާލައިފަ އެވެ. ކެލާ ފަޅުގައި ދެ ރިސޯޓު ތަރައްގީކުރަން ހުޅުވާލާފައިވާއިރު ހުޅުވާލާފައިވަނީ އެ ފަޅުގައި 12.19 ހެކްޓަރުގެ ދެ ރަށް ހިއްކައިގެން ރިސޯޓު ތަރައްގީކުރާށެވެ. އެ ތަނުން އެއް ރަށަކީ 156.2 ހެކްޓަރުގެ ރަށެކެވެ. އަނެއް ރަށަކީ 169.3 ހެކްޓަރުގެ ރަށެކެވެ.

ދެ ރިސޯޓުގައި ވެސް 200 އެނދު ތަރައްގީކުރަން ޖެހޭއިރު، ކުއްޔަށް ނަގަން ޖެހެނީ 50 އަހަރަށެވެ.

ކާށިދޫ ފަޅުން އިއުލާނުކޮށްފައިވަނީ 10 ހެކްޓަރުގެ ރަށެއް ހިއްކައިގެން ރިސޯޓެއް ތަރައްގީކުރާށެވެ.

އެ ރަށު ފަޅުން ވިއްކަނީ 115.21 ހެކްޓަރުގެ ރަށެކެވެ. އެ ރަށުގައި ތަރައްގީކުރަން ޖެހެނީ 100 އެނދުގެ ރިސޯޓެކެވެ.

ކެލައާއި ކާށިދޫ ފަޅުގައި ރިސޯޓު ތަރައްގީކުރުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅެކެވެ. އެ މަސައްކަތްކުރަން އެ ކެލާގެ އިހުތިސާސަށް ވެސް ވަނީ ބަދަލު ގެންނަވާފައެވެ.

ކާށިދޫ ފަޅުގައި ރިސޯޓެއް ތަރައްގީކުރަން މިދިޔަ އެމްޑީޕީ ވެރިކަމުގައި ވެސް މަސައްކަތްކުރިއެވެ.