logoEN
ޚަބަރު

ރޯދަ ހަދިޔާގެ ގޮތުގައި 81 މިލިއަން ރުފިޔާގެ މަސްދަޅު ބަހައިފި

އާމިނަތު ސަފާއާމިނަތު ސަފާ

02 އޭޕްރީލު 2025 - 15:06

ރޯދަ ހަދިޔާގެ ގޮތުގައި ގޭބިސީތަކަށް ސަރުކާރުން 81 މިލިއަން ރުފިޔާގެ މަސްދަޅުކޭސް ބަހާފައިވާކަމަށް ފިނޭންސް މިނިސްޓްރީން ބުނެފިއެވެ.

ފިނޭންސް މިނިސްޓްރީގެ ތަފާސްހިސާބުތަކުން ދައްކާގޮތުގައި ރަމަޟާން މަސް ނިމުނުއިރު ހަދިޔާގެ ގޮތުގައި ކޮންމެ ގޭބިސީއަކަށް އެއް ކޭސްގެ މަގުން ބަލާނަމަ 111،231 މަސްދަޅު ކޭސް ވަނީ ހަދިޔާކުރައްވާފައެވެ.

ތަފާސްހިސާބުތައް ދައްކާގޮތުން މި ރަމަޟާން މަހު މާލޭގެ ގޭބިސީތަކަށް 50،519 މަސްދަޅު ކޭސް އަދި އަތޮޅުތަކުގެ 60،712 ގޭބިސީއަކަށް ވަނީ މަސްދަޅު ކޭސް ހަދިޔާކޮށްފައެވެ.

ރަމަޟާންމަހަށް ޚާއްޞަކޮށްގެން ގޭބީސީތަކަށް ބަހާފައިވަނީ އާންމުކޮށް ބޭނުންކުރާ 180 ގްރާމްގެ 48 ދަޅުގެ މަސްދަޅު ކޭހެވެ.

ރޯދަ ހަދިޔާއަކީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ޚާއްޞަ ވަޢުދުފުޅެއްގެ ގޮތުގައި މި ދިޔަ އަހަރުން ފެށިގެން، ދިވެހި އެންމެހައި ރައްޔިތުންނަށް ސަރުކާރުން ދެއްވަން ފެއްޓެވި ހަދިޔާއެކެވެ.

މިދިޔަ ރަމަޟާން މަހު ސަރުކާރުން ވަނީ ކަރަންޓާއި ފެން ބިލުތަކުން ރައްޔިތުންނަށް ޑިސްކައުންޓެއް ދީފައެވެ. ސަރުކާރުން ވަނީ މިދިޔަ ރަމަޟޯން މަހު 82،000 ގޭބިސީއަކަށް 1.6 މިލިއަން ކިލޯގެ ކާޑުގެ ބާވަތްތައް ރޯދަމަހާ ދިމާކޮށް ހިލޭ ފޯރުކޮށްދީފައެވެ.

ކޮމެންޓް

871x217_placeholder