މަސްވެރިންނަށް ދެ މިލިޔަނަށް ވުރެ ގިނަ ރުފިޔާ ދޫކޮށްފި


03 އޭޕްރީލު 2025 - 07:19
މިފްކޯއިން މަސްވެރިންނަށް ދެ މިލިޔަނަށް ވުރެ ގިނަ ރުފިޔާ ދޫކޮށްފިއެވެ.
މި ފައިސާއަކީ މި މަހުގެ ފުރަތަމަ ދުވަހު މަސްވެރިން މިފްކޯއަށް ކިރާފައިވާ މަހުގެ އަގަށްވާ ފައިސާ ކަމަށާއި އެއާއެކު މިއަދާ ހަމައަށް ދައްކަން ޖެހޭ ހުރިހާ ފައިސާއެއް ދައްކައި ނިމިފައިވާކަމަށް މިފްކޯއިން މައުލޫމާތުދެއެވެ.
މި މަހުގެ ފުރަތަމަ ދުވަހު 19 ދޯންޏަކުން މަސް ކިރާފައިވާއިރު އެ ދޯނިތަކަށް ޖުމްލަ 2،090،971 (ދެ މިލިއަން ނުވަދިހަ ހާސް ނުވަ ސަތޭކަ ހަތްދިހަ އެއް)ރުފިޔާ ދޫކޮށްފައިވާކަމަށް ހިސާބުތަކުން ދައްކައެވެ.
މިފްކޯގެ ތަފާސްހިސާބުތައް ދައްކާގޮތުން މިފަހުގެ ތާރީހެއްގައި މިފްކޯއަށް އެންމެ ގިނައިން މަސް ކިރުވާފައިވަނީ މިދިޔަ މާޗްމަހުގެ 8 ވަނަ ދުވަހުއެވެ. އެދުވަހު މިފްކޯއިންވަނީ 40 މަސްދޯންޏަކަށް 7.5 މިލިއަން ރުފިޔާ ދޫކޮށްފައެވެ.
މަސްވެރި ސިނާޢަތަށް މިދިޔަ 40 އަހަރު ނުގެނެސްދެވިވާ ތަރައްޤީ މިސަރުކާރުން ގެންނަވަމުންދާކަމަށާއި މިދާއިރާގައި ހުރި މައްސަލަތަކަށް ސަރުކާރުގެ ފުރަތަމަ 3 އަހަރުގެ ތެރޭގައި ހައްލު ލިބިގެންދާނެކަމަށް ސަރުކާރުން ބުނެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދާ އެއްގޮތަށް، މަސްވެރިން ކިރުވާ މަހަށް 48 ގަޑިއިރުގެ ތެރޭގައި ދަނީ ފައިސާ ދޫކުރަމުންނެއެވެ. މި ވަޢުދު ތަންފީޒުކުރަން ފަށާފައިވަނީ ފާއިތުވި މަސްވެރިންގެ ދުވަހުގައެވެ. މިފްކޯއިން މަޢުލޫމާތު ދޭގޮތުގައި މި އައު އުސޫލާ ގުޅިގެން މަސްވެރިކަމަށް ނިކުންނަ ދޯނިތަކުގެ އަދަދު ވަނީ އިތުރުވެފައެވެ.
މަސްވެރިން ކިރުވާ މަހަށް ގަވާއިދުން ފައިސާ ދައްކަން ފެށިފަހުން މިހާތަނަށް މަސްވެރިންނަށް ޖުމްލަ 385 މިލިޔަން ރުފިޔާ ދޫކޮށްފައިވާކަމަށް ރައީސް ޑރ. މުހައްމަދު މުއިއްޒުވެސަ ވަނީ ވިދާޅުވެފައެވެ.
ރައްޔިތުންނާ ގާތުން މައުލޫމާތުތައް ހިއްސާކުރެއްވުމަށް ފައްޓަވާފައިވާ "ރައްޔިތުންނާ އެކު" ޕޮޑްކާސްޓުގެ ފުރަތަމަ އެޕިޒޯޑުގައި ވާހަކަދައްކަވަމުން ރައީސް ޑރ. މުހައއްމަދު މުޢިއްޒު ވިދާޅުވީ ރިޔާސީ ވައުދުފުޅާ އެއްގޮތަށް މިދިޔަ ޑިސެމްބަރު މަހު 10 ވަނަ ދުވަހުން ފެށިގެން، މަސްވެރިން ކިރުވާ މަހަށް 48 ގަޑިއިރުތެރޭ ސަރުކާރުން ފައިސާ ދޫކުރަން ފަށާަފައިވާ ކަމަށެވެ. އަދި މިގޮތަށް ގަވާއިދުން ފައިސާ ދޫކުރަން ފެށިފަހުން މިހާތަނަށް 385 މިލިޔަނަށްވުރެ ގިނަ ރުފިޔާ ދޫކޮށްފައިވާކަަށެވެ.
މި ސަރުކާރު ވެރިކަމާއި ހަވާލުވީ އިރު، މަސްވެރިން ކިރުވާފައިވާ މަހަށް 250 މިލިޔަން ރުފިޔާ ނުދީ ހުރި ކަމަށް ރައީސް ވަނީ ފާހަގަ ކުރައްވާފައެވެ. އަދި އެ ފައިސާވެސް މިހާރު ސަރުކާރުން ދައްކާ ހަލާސްކޮށްފައިވާ ކަމަށް ރައީސް ވިދާޅުވިއެވެ.
ރައީސް ވިދާޅުވީ ސަރުކާރުގެ އަމާޒަކީ މަސްވެރިކަމުގެ ސިނާއަތް އިތުރަށް ފުޅާކޮށް، ރާއްޖެއަށް އެންމެ ބޮޑު އާމްދަނީއެއް ލިބޭ އެއް ސިނާއަތަށް މަސްވެރިކަން ހެދުން ކަމަށެެވެ.
އިތުރު ލިޔުންތައް

މިފްކޯއިން ގައްދޫގައި ގާއިމްކުރި އައިސްޕްލާންޓު އަޕްގްރޭޑްކޮށް އަލުން ޚިދުމަތްދޭން ފަށައިފި
7 މަސް ކުރިން.jpg&w=3840&q=75)
ރ.މަޑުއްވަރީގައި އައިސް ޕްލާންޓް މިފްކޯގެ ދަށަށް ބަދަލުކޮށްފި
7 މަސް ކުރިން
މިފްކޯގެ ސައިޓުތަކުގައި ދަނޑުވެރިކަން ފުޅާކުރަނީ
6 މަސް ކުރިން