އިންދިރާ ގާންދީ މެމޯރިއަލް ހޮސްޕިޓަލުން ދޭ ޚިދުމަތުގެ ފެންވަރު ރަނގަޅު ކުރުމަށްޓަކައި އެ ހޮސްޕިޓަލުގެ އިސްވެރިންނާއި ހެލްތުު މިނިސްޓަރ އަބުދުﷲ ނާޒިމް އިބްރާހީމް މިއަދު ބައްދަލުކުރައްވައިފިއެވެ.

މި ބައްދަލުކުރެއްވުމުގައި މަޝްވަރާކުރެވުނު ކަންކަމުގެ ތެރޭގައި ހޮސްޕިޓަލުން ދޭ ޚިދުމަތުގެ ފެންވަރު ރަނގަޅު ކުރުމާއި، ޑޮކްޓަރަށް ދެއްކުމުގެ ކަންކަން އިތުރަށް ހަރުދަނާ ކުރުމާއި، ޚިދުމަތުގެ ފެންވަރު ރަނގަޅު ކުރުމަށް މިހާރު ކުރަމުން އަންނަ ކަންކަމުގެ ތަފްޞީލް ވަނީ މިނިސްޓަރ އާއި ވަނީ ހިއްސާކޮށްފައެވެ.

Ad by Hajj Corporation

މީގެ އިތުރުން ރައީސްގެ ވައުދާއި އެއްގޮތަށް ޞިއްހީ ދާއިރާގެ ކަންކަން ފުރިހަމަކުރުމަށް މާލޭ ގްރޫޕް އޮފް ހޮސްޕިޓަލްތަކުގެ ކަންކަން ހަރުދަނާ ކުރުމަށް މިނިސްޓްރީ އާއި ގުޅިގެން ކުރަންޖެހޭ ކަންކަމާއި ގުޅޭގޮތުން ވަނީ މަޝްވަރާކޮށްފައެވެ.

މި ބައްދަލުވުމުގައި މިނިސްޓަރ އޮފް ހެލްތު އަބުދުﷲ ނާޒިމް ގެ އިތުރުން ، މާލޭ ސިޓީ ގްރޫޕް އޮފް ހޮސްޕިޓަލްގެ ސީއީޯ އަބުދުއްރައްޒާޤް ހަލީމް އަދި ހެލްތު މިނިސްޓްރީ އާއި އައިޖީއެމްއެޗްގެ އިސްވެރިން ބައިވެރިވަޑައިގެންނެވިއެވެ.