ކުޑަކުދިންނަށް ދޭ ކޮފްސިރަޕް " ކޮފްސީ ސިރަޕް " މަނާކުރި ކަމަށް އެމްއެފްޑީއޭއިން ބުނެފިއެވެ. ކޮފްސީ ސިރަފު ވަނީ ކޮލިޓީ މައްސަލަތަކެއް ވަނީ ފާހަގަކުރެވިފަ ކަމަށް އެއޮތޯރިޓީއިން ވަނީ ބުނެފައެވެ.

އެހެންކަމުން އެމްއެފްޑީއޭއިން ބުނީ، މިއަދުން ފެށިގެން އެ ކޮފް ސިރަފް ރާއްޖެއަށް އިމްފޯޓް ކުރުމާއި، ވިއްކުމާއި، އަދި ބޭނުން ކުރުމަކީ މަނާ ކަމެއްގައި ގޮތުގައެވެ.

Ad by Hajj Corporation

އަދި، އެއްވެސް ފާމަސީއެއްގައި މި ބޭސް ހުރި ނަމަ، ބޭސް ނައްތާލުމަށް ހަމަޖެހިފައިވާ އުސޫލާއި އެއްގޮތަށް ބޭސްތައް ނައްތާލުމުގެ ކަންކަން ކުރިއަށް ގެންދެވުމަށް އެ އޮތޯރިޓީއިން ވަނީ އެދިފައެވެ.

މި ބޭސް ބޭނުން ކުރުމުގެ ސަބަބުން، މިހާތަނަށް އެއްްވެސް ފަރާތަކުން ޞިއްޙީ މައްސަލައެއް ދިމާވެގެން އަދި އެ ވުޒާރާއަށް ރިފޯޓް ކޮށްފައި ނުވާކަން އެއޮތޯރިޓީއިން ވަނީ ފާހަގަކޮށްފައެވެ.

ބޭހުގެ ރައްކާތެރިކަން ކަށަވަރު ކުރުމަށް ޓަކައި ބޭސް އެއްތަނުން އަނެއްތަނަށް އުފުލުމާއި ގުދަންކުރުމުގައި ބަހައްޓަންޖެހޭ މިންގަނޑުތަކަށް ސަމާލުވުމަށް  އެމްއެފްޑީއޭއިން އިލްތިމާސްކުރައްވައެވެ.