މާލޭ ގެއެއްގެ ފުރާޅު މައްޗަށް ޒުވާން އަންހެނެއް ވެއްޓިފަ އޮއްވާ ފެނިއްޖެއެވެ.

މާލޭ ހެންވޭރުގައި ހުންނަ ގެ އެއްގެ ފުރާޅު މައްޗަށް މީހަކު ވެއްޓިފައި އޮއް ކަމުގައި މައުލޫމާތު މިއަދު ހެނދުނު 07:23 ހާއިރު ވަނީ ފުލުހުންނަށް ރިޕޯޓް ކޮށްފައެވެ.

އެމްއެންޑީއެފް ފަޔާ އެންޑް ރެސްކިޔޫ ގެ އެހީތެރިކަމާއެކު އެމީހާ އައިޖީއެމް ހޮސްޕިޓަލް އަށް ގެންގޮސް ދަނީ ފަރުވާ ދެމުންނެވެ.

ވެއްޓިފައި އޮއްވާ ފެނިފައިވަނީ 21 އަހަރުގެ ދިވެހި އަންހެނެކެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.