މިއަދު ހެނދުނު ކުޅުދުއްފުށީ ކައިރީގައި މަސްހިފަން އުޅުނު 30 އަހަރުގެ ފިރިހެނަކަށް މިޔަރެއް ހަމަލާދީ ޒަޚަމްކޮށްލައިފިއެވެ.

ތިލަދުންމަތީގެ ޚަބަރުތަކަށް ޚާއްސަ އޮންލައޮން ނޫސް ‘’ތިލަދުން’’ ގައި ރިޕޯޓުކޮށްފައިވާ ގޮތުގައި، މިޔަރު ވަނީ ކުއްލިއަކަށް އެ މީހާގެ ގައިގައި ހިފައި، އޭނާ ގޮވައިގެން ފެނުގެ އަޑިއަށް ދިއުމަށް މަސައްކަތްކޮށްފައެވެ.

މި ހަމަލާގައި އަނިޔާވި މީހާގެ ކަނާތު ކޮނޑާއި އަތް ވަނީ ވަރަށް ބޮޑަށް ޒަޚަމްވެފައެވެ. އެ މަންޒަރު ފޮޓޯ އިން ވެސް ސާފުކޮށް ފެނެއެވެ.

މިޔަރު ހަމަލާދީފައި

އަނިޔާވި މީހާގެ އިތުރު ފަރުވާއަށްޓަކައި މާލެ ގެނައުމުގެ މަސައްކަތް ކުރަމުން އަންނަކަމަށް މަައުލޫމާތު ލިބެއެވެ.