ބަންޑާރަ ގޯތި ދޫކުރަން ހުއްޓުވަދޭން ގާނޫނަށް ބަދަލު ގެނެސްދިނުމަށް މަޖިލީހުގައި އެދިފައިނުވާނެކަމަށް ހައުސިން މިނިސްޓަރު އަބްދުﷲ މުއްތަލިބު ވިދާޅުވެއްޖެ އެވެ.

ވަޒީރު މިފަދައިން ވިދާޅުވީ ބަންޑާރަ ގޯތި ދޫކުރުން ހުއްޓުވުމަށް ގާނޫނަށް ބަދަލު ގެނެސްދޭން މިއަދުގެ މަޖިލީހުގައި ވަޒީރު އެދިވަޑައިގެންނެވިކަމަށް ބުނެ ފެތުރެމުންދާ ހަބަރުތަކާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައެެވެ.

Ad by Hajj Corporation

ވަޒީރު ވިދާޅުވީ މަޖިލީހުގައި ކުރެވުނު ސުވާލަކާ ގުޅިގެން އެކަމަކީ ރާއްޖެއަށް ޚާއްޞަ ކަމެއް ކަމަށާއި ދާއިމީ ގޮތެއްގައި ކުރިއަށް ގެންދިއުމަށް ދަތިވެދާނެ ކަމެއްކަމަށް ވިދާޅުވެފައިވާނެކަމަށެވެ. އަދި އެއީ މަޖިލިސް ތެރެއިން ޙައްލެއް ހޯދަންޖެހޭ ފަދަ މައްސަލައެއްކަމަށް ވިދާޅުވެފައިވާނެކަމަށް ވަޒީރު ވިދާޅުވިއެވެ. ނަމަވެސް ބަންޑާރަ ގޯތި ދޫކުރަން ހުއްޓުވަދޭން ގާނޫނަށް ބަދަލު ގެނެސްދިނުމަށް މަޖިލީހުގައި އެދިފައިނުވާނެކަމަށް ވިދާޅުވިއެވެ.

ގުޅިފަޅުން ގޯތި ލިބުނު މީހުންގެ ރަޖިސްޓްރީ އަންނަ މަހު ހަވާލުކުރަން ފަށާނެކަމަށާއި ތިލަމާލެ ބްރިޖު މަޝްރޫއަށް ގުޅިފަޅު ބޭނުންކުރަމުންދާތީ ގޯތި ހަވާލުކުރުމުގައި ލަސްތަކެއް އައިސްފައިވާކަމަށް ވަޒީރުވަނީ ވިދާޅުވެފައެވެ.

ގުޅިފަޅުން 7 ސައިޒެއްގެ ގޯތި ދޫކުރުމަށް ވަނީ ހަމަޖެހިފައެވެ.