2024 ވަނަ އަހަރު ކިޔާފައިވާ ހުރިހާ ޚުޠުބާތަކެއްގެ އިނގިރޭސި ތަރުޖަމާ ނެރެފިއެވެ.

ފޮތެއްގެ ސިފައިގައި ނެރެފައިވާ މި ތަރުޖަމާގައި 2024 ވަނަ އަހަރު ކިޔާފައިވާ 35 ޚުޠުބާގެ އިނގިރޭސި ތަރުޖަމާ ވަނީ ހިމަނާފައެވެ.

ޚުޠުބާއާއި ގުޅޭ ކަންކަން ހަރުދަނާ ކުރުމަށް އިސްލާމީކަންތައްތަކާ ބެހޭ ވުޒާރާއިން ކުރިއަށް ގެންދާ މަސައްކަތުގެ ދަށުން ހުކުރު ޚުޠުބާގެ އިނގިރޭސި ތަރުޖަމާ ނެރުމާއި ޚުޠުބާގެ އިނގިރޭސި ތަރުޖަމާ ފޭސްބުކް އަދި ޓީވީގެ ލައިވް ފީޑަށް އަރުވަން ވަނީ ފަށާފައެވެ.

މީގެ ކުރިން ވެސް ކޮންމެ ހުކުރު ހުތުބާއެއް ކިޔުމުގެ ކުރިން މިނިސްޓްރީން ދިޔައީ އެ މިނިސްޓްރީގެ ވެބްސައިޓުގައި އެ އާންމުކުރަމުންނެވެ. އެކަމަކު މިއީ ހުތުބާގެ އިނގިރޭސި ތަރުޖަމާއެއް މިނިސްޓްރީން އާންމުކުރި ފުރަތަމަ ފަހަރެވެ.