ރާއްޖޭގެ ގުދުރަތީ ރީތިކަން ދެމެހެއްޓޭނީ ދިރޭ ތަކެތީގެ ނަސްލު ޙިމާޔަތްކޮށް ދަމަހައްޓައިގެން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

މިއަދު ފާހަގަކުރަމުންދާ ބައިނަލްއަގުވާމީ ދިރޭތަކެތީގެ ނަސްލުގެ ދުވަހާ ގުޅުވައިގެން ކުރެއްވި ޕޯސްޓެއްގައި ރައީސް ވިދާޅުވީ ޤުދުރަތީ ރީތިކަމަކީ، ދިވެހިރާއްޖެއަށް ލިބިފައިވާ އެންމެ ބޮޑު ނިޢުމަތް ކަމަށެވެ.

Ad by Hajj Corporation

ގުތުރަތީގޮތުން ރާއްޖެއަށް ލިބިފައިމިވާ އަގުހުރި ނިޢުމަތަށް ރައްކާތެރިވެވޭނީ، ދިރޭ ތަކެތީގެ ނަސްލު ޙިމާޔަތްކޮށް ދަމަހައްޓައިގެން ކަމަށް ރައީސް ވިދާޅުވި އެވެ.

ރާއްޖެއަކީ ގުދުރަތީގޮތުން ރީތި ގައުމެކެވެ.ރާއްޖެ ޒިޔާރަތް ކުރާ ފަތުރުވެރިންވެސް ރާއްޖެއާއި މެދު އެންމެ ހިއްހަމަ ޖެހޭ އެއްކަމަކީ ރާއްޖޭގެ ގުދުރަތީ ރީތި ގޮނޑުދޮށްތަކާއި މުރަކައިގެ ފަރުތަކެވެ. ރާއްޖެއިން ދުނިޔޭގެ މުރަކައާއި ފަރުތަކުގެ 5 އިންސައްތަ ހިއްސާ ކުރެއެވެ. ދުނިޔޭގެ ނިސްބަތުންވެސް 7 ވަނަ އަށް އެންމެ ބޮޑު މުރަކައާއި ފަރުތައް އޮތީ ރާއްޖޭގައެވެ.

މިއަހަރުގެ ދިރޭތަކެތީގެ ނަސްލުގެ ދުވަހުގެ ޝިއާރަކީ "ހާމަރނީ ވިތް ނޭޗަރ އެންޑް ސަސްޓެއިނަބަލް އެނަރޖީ"އެވެ.