ފަހަކަށް އައިސް ކޮވިޑް-19 ރޯގާ ޖެހިގެން ރިޕޯޓުކުރެވުނު މިންވަރު އިތުރުވެފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނެފި އެވެ.

އެޗްޕީއޭއިން މިއަދުވަނީ ކޮވިޑް ރޯގާގެ ކޭސްތައް ރިޕޯޓު ކުރެވުނު މިންވަރު މި ފަހުން އިތުރުވެފައިވާތީ އެކަމަށް ސަމާލުވުމަށް އިލްތިމާސްކޮށްފައެވެ.

Ad by Hajj Corporation

މީގެ އިތުރުން، މޫސުމީ ގޮތުން މި ދުވަސްވަރު އާންމުކޮށް ފެތުރޭ ބަލިތައް ކަމުގައިވާ ޑެންގީ، ވައިރަލް ހުން އަދި އިންފްލުއެންޒާ ފަދަ ބަލިތައްވެސް އިތުރުވަމުންދާކަން ފާހަގަކުރެވިފައިވާކަމަށް އެޗްޕީއޭއިން މައުލޫމާތުދެއެވެ.

 ކޮވިޑް 19 ގެ ކޭހެއެއް އެންމެ ފުރަތަމަ ފެނިފައިވަނީ ޗައިނާގެ ވޫހާން ސިޓީ އިން 2019 ވަނަ އަހަރުގެ ޑިސެމްބަރު މަހުގެ ތެރޭގައެވެ.

ކޮވިޑް-19 ގެ އަލާމާތްތައް ތަފާތު ނަމަވެސް ގިނަ ފަހަރަށް ހިމެނެނީ ހުން އައުމާއި، ވަރުބަލިވުން، ކެއްސުން، ނޭވާލާން އުނދަގޫވުން، އަދި ރަހަ ނުލުމެވެ.

ކޮވިޑްއިން ރައްކާތެރިވުމަށް ދުރާލާ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައެވެ.