މިއަދުގެ ރީތި ތާރީހާ ގުޅުވައިގެން މާލޭގައި 59 ކައިވެނި ކުރަން ހަމަޖެހިފައިވާ ކަމަށް ފެމިލީ ކޯޓުން ބުނެފި އެވެ.

އެހާ ގިނަ ކައިވެނިތަކެއް މިއަދު ފެމިލީ ކޯޓުން ކޮށްދެނީ މިއަދަކީ މި އަހަރު އަންނަ އެންމެ ރީތި ތާރީހުތަކުގެ ތެރެއިން އެއް ތާރީހަށް ވާތީ އެވެ. މިއަދުގެ ތާރީހު ކަމަށްވާ 25-05-25 ގައި 59 ކައިވެނި އެ ކޯޓުން އެކަނި ކޮށްދޭނެ އެވެ.

Ad by Hajj Corporation

ފެމިލީ ކޯޓުންކޮށަފައިވާ ޕޯސްޓެއްގައި ބުނީ، ސަރުކާރުގެ ރަސްމީ ގަޑީގައި 23 ކައިވެނި އަދި ނުރަސްމީ ގަޑީގައި 36 ކައިވެނި މިއަދު ކޮށްދޭނެ ކަމަށެވެ.

އެކޯޓުން ބުނީ މިއަދަކީ މި އަހަރުގެ މިހާތަނަށް އެކޯޓުގައި އެއްދުވަހެއްގައި އެންމެ ގިނަ ކާވެނި ކޮށްދިނުމަށް ހަމަޖެހިފައިވާ ދުވަސްކަމުގައިވާތީ ކޯޓަށް ދާ މީޙުނަށް ލުއިފަސޭހަ ކޮށްދިނުމުގެ ގޮތުން އިންތިޒާމުތަކެއް ހަމަޖައްސާފައިވާކަމަށެވެ.

އެގޮތުން ފެމިލީ ކޯޓުގެ ބޭރުގައި ވަނީ ޓެންޓު ޖަހައި، މީހުންނަށް އެ ތަނުގައި އިށީނެދެވޭނެ ގޮތަށް ގޮނޑި ޖަހައިފަ އެވެ.