މިއަދުގެ ރީތި ތާރީޚާ ގުޅުވައިގެން މާލޭގައި 59 ކައިވެނި ކުރަން ހަމަޖެހިފައިވާ ކަމަށް ފެމިލީ ކޯޓުން މިއަދު ހާމަކޮށްފިއެވެ.

މިއަދަކީ 25-05-25 ކަމަށްވާތީ، މި އަހަރުގެ އެންމެ ރީތި ތާރީޚުތަކުގެ ތެރެއިން އެއް ތާރީޚު ކަމަށް ބެލެވެއެވެ.

Ad by Hajj Corporation

ފެމިލީ ކޯޓުން މަޢުލޫމާތު ދެއްވި ގޮތުގައި، މިއަދު ސަރުކާރުގެ ރަސްމީ ގަޑީގައި 23 ކައިވެނި އަދި ނުރަސްމީ ގަޑީގައި 36 ކައިވެނި ކޮށްދޭނެއެވެ. މިކައިވެނިތައް ކުރުން މިރެޔާއި ހަމައަށް ވެސް ދެމިގެން ދާނެއެވެ.

މިހާ ގިނަ ކައިވެނިތަކެއް އެއްދުވަހެއްގައި ކުރުމާ ގުޅިގެން، ފެމިލީ ކޯޓުގެ ބޭރުގައި ވަނީ ޓެންޓު ޖަހައި، މީހުންނަށް އިށީނދެވޭނެ ގޮތަށް ގޮނޑި ތަރުތީބުކޮށްފައެވެ.

މިދިޔަ އަހަރުގެ އެންމެ ފަހުން އައި ރީތި ތާރީޚު ކަމަށްވާ 24-12-24 ގައި މާލޭގައި 52 ކައިވެނި އޮތް ކަމަށް ފެމިލީ ކޯޓުން ހާމަކުރިއެވެ.