2026 ވަނަ އަހަރުގެ ވޯލްޑް ކަޕްގެ ދެކުނު އެމެރިކާ ސަރަހައްދުގެ ކޮލިފައިންގައި ރޭގައި އިކުއޭޑޯގެ މޮނިއުމެންޓަލް ސްޓޭޑިއަމްގައި ކުޅުނު މެޗުގައި އިކުއޭޑޯ އާއި ބްރެޒިލް ވަނީ ގޯލެއް ނުޖެހި މެޗު ހަމަހަމަ ވެގެން ނިމިފައެވެ.

މި މެޗާ އެކު އިކުއޭޑޯ ވަނީ 27 ޕޮއިންޓާ އެކު ކޮލިފިކޭޝަން ތާވަލުގެ ދެވަނައިގައެވެ. އަދި ބްރެޒިލް ވަނީ 22 ޕޮއިންޓާ އެކު ހަތަރުވަނައިގައެވެ. ކޮލިފިކޭޝަނުގައި ބްރެޒިލް މިހާތަނަށް 15 މެޗު ކުޅެފައިވާއިރު، އޭގެތެތެއިން ބަރެޒިލް އަށް މޮޅުވެވިފައިވަނީ އެންމެ 6 މެޗުންނެވެ.

Ad by Hajj Corporation

މިއީ އިޓާލިއަން ކޯޗު ކާލޯ އެންޗެލޯޓިގެ ދަށުން ބްރެޒިލް ނެޝަނަލް ޓީމް ކުޅުނު ފުރަތަމަ މެޗެވެ. އެންޗެލޯޓިގެ ދަށުން ބްރެޒިލް ޓީމް ކުރިއަށް ގެންދިއުމަށް ބޮޑެތި އުންމީދުތަކެއް ކުރެވެއެވެ. މިއީ ބްރެޒިލްގެ ތާރީޚުގައި އެޤައުމުގެ ފުޓްބޯޅަ ޓީމުގެ ކޯޗުކަމަށް ޤައުމުން ބޭރު ކޯޗެއް ޢައްޔަނު ކުރެވުނު ފުރަތަނަ ފަހަރެވެ. އެންޗެލޯޓީގެ ކޯޗުކަމުގައި އަންނަ އަހަރުގެ ވޯލްޑްކަޕް ނެގުމަށް ބްރެޒިލް އަމާޒުހިފާފައިވާއިރު، ވޯލްޑްކަލް ކާމިޔާބު ކުރެވިއްޖެނަމަ އެންޗެލޯޓީއަށް 4 މިލިޔަން ޑޮލަރުގެ ބޯނަހެެއް ދިނުމަށް ހަމަޖެހިފައިވާކަމަށް ރިޕޯޓްތައް ބުނެއެވެ.

2026 ވަނަ އަހަރުގެ ވޯލްޑް ކަޕަށް ދެކުނު އެމެރިކާ ސަރަހައްދުން ސީދާ 6 ޓީމެއް ކޮލިފައިވާނެއެވެ. އަދި 7 ވަނައަށް ދާ ޓީމަށް ފިފާ ޕްލޭ އޯފްގައި ވާދަކުރުމުގެ ފުރުސަތު ލިބޭނެއެވެ