ރާއްޖޭގެމަޝްހޫރު ދީނީ އިލްމުވެރިއެއް ކަމުގައިވާ ޝެއިޚް އިބްރާހީމް ފަރީދު މިއަދު މެލޭޝިއާގައި ކުއްލި ގޮތަކަށް އަވަހާރަވެއްޖެއެވެ.

މަޢުލޫމާތު ލިބިފައިވާ ގޮތުގައި ޝެއިޚް ފަރީދު އަވަހާރަވެފައިވަނީ މިއަދު މެލޭޝިއާގެ އެއަރޕޯޓުގައި ހުންނަވަނިކޮށެވެ.

Ad by Hajj Corporation

ޝެއިޚް ފަރީދު މެލޭޝިއާއަށް ވަޑައިގެންނެވީ މިއަދު ކަމަށް އެނގިފައިވެއެވެ. އެ ޤައުމުގައި އޮތް ބައްދަލުވުމެއްގައި ބައިވެރިވެވަޑައިގަތުމަށް ވަޑައިގެންނެވި ޝެއިޚް ފަރީދު، އެއަރޕޯޓުގައި ހުންނަވަނިކޮށް ވެއްޓިވަޑައިގަތުމާ ގުޅިގެން އަވަސް ފަރުވާ ދެވުނު ނަމަވެސް، އިރުކޮޅެއްގެ ތެރޭގައި އަވަހާރަވެފައިވާ ކަމަށް ވެއެވެ.

ޝެއިޚް ފަރީދަކީ ދީނީ ދަރުސް ދެއްވުމާއި، ދީނާ ގުޅޭ ގޮތުން ހޭލުންތެރިކަން އިތުރުކުރެއްވުމަށް ގިނަގުނަ މަސައްކަތްތަކެއް ކުރައްވާފައިވާ ބޭފުޅެކެވެ. އޭނާގެ ދަރުސްތަކަކީ ވަރަށް ގިނަ ބައެއްގެ މަޤްބޫލުކަން ލިބިފައިވާ ދަރުސްތަކެކެވެ.

މީގެ އިތުރުން، އިސްލާހީ ހަރަކާތުގައި ވެސް އިސްކޮށް ހަރަކާތްތެރިވެވަޑައިގެންނެވި ބޭފުޅެއްގެ ގޮތުގައި ޝެއިޚް ފަރީދު ފާހަގަކުރެވެއެވެ.