ހުތުބާ ކިޔުމުގެ ހުއްދަ ރަށު ކައުންސިލަރުންނަށް ލިބޭނެ ގޮތް ހަމަޖައްސަން އެ މީހުންނަށް ހާއްސަކޮށްގެން ހިންގުމަށް ހަމަޖެހިފައިވާ ކޯހުގައި ބައިވެރިވުމުގެ މުއްދަތު 3 ޖުލައި އާ ހަމައަށް އިތުރުކޮށްފިއެވެ،

ކޮންމެ ބުރެއްގައި 50 ކައުންސިލަރުންނަށް ބައިވެރިވެވޭ ގޮތަށް ކުރިއަށް ގެންދާ އެ ކޯހުގައި ޚަތީބު ކަމަށް ބޭނުންވާ ފިގުހާއި ގުރުއާނާއި އަގީދާ އަދި ހަދީޘް ކިޔަވައިދޭނެ ކަމަށާއި އެ ކޯހުގައި ގުރުއާން ފިޔަވައި އެހެން މާއްދާތައް ކިޔަވައިދޭނީ އޮންލައިންކޮށް ކަމަށް ވެސް އިސްލާމިކް މިނިސްޓްރީން ވަނީ ބުނެފައެވެ.

Ad by Hajj Corporation

ކޯހަށް ހޮވުމުގައި ބަލާ މިންގަޑު:

ކީރިތި ޤުރްއާން ފަރިތަކަމާއެކު ކިޔަން އެނގުން.

ދިވެހިބަހާއި ޢަރަބިބަހުގެ ކިޔުމުގެ ފަރިތަކަން.

ހުށަހަޅަންޖެހޭ ތަކެތި:

ސީވީ

އައިޑީ ކާޑުގެ ކޮޕީ

އެންމެ މަތިން ހޯދާފައިވާ ތައުލީމީ ސެޓްފިކެޓް

ވަޒީފާ އަދާކުރަމުންދާ ކަމުގެ ލިޔުން.

މިދިޔަ އަހަރު މިނިސްޓްރީން ވަނީ އިމާމުވެ ހުކުރު ކުރުމުގެ ހުއްދަ ސްކޫލު ކުދިންނަށް ލިބޭ ޕްރޮގްރާމެއް ވެސް ފަށައިފަ އެވެ. މި ކޯހުގައި ބައިވެރިވުމަށް އެދިލައްވާ ފަރާތްތަކުން 3 ޖުލައި 2025 ގެ 13:00 ގެ ކުރިން ގޫގުލް ފޯމް
 ( https://forms.gle/6eoHUvc7KkexRRv37 ) ފުރިހަމަ ކުރެއްވުމަށް މިނިސްޓްރީ ވަނީ ބުނެފައެވެ.