އައްޑޫ ސިޓީ ހިތަދޫގެ ގެއަކުން، މީހަކަށް އަނިޔާ ކޮށްފައިވާކަމަށް ފުލުހުންނަށް ރިޕޯޓު ކޮށްފައިވެއެވެ.

މިއަދު ހެނދުނު ހިނގި އެ ހާދިސާގައި އަނިޔާވި މީހާއަށް، އެ ސިޓީގައި ހުންނަ އިކުއަޓޯރިއަލް ހޮސްޕިޓަލުގައި ފަރުވާދިނުމަށްފަހު ވަނީ ދޫކޮށްލައިފައެވެ. ސޯޝަލް މީޑީޔާގައި ދައުރުވާ ޕޯސްޓަކުން ފެންނަގޮތުގައި އަނިޔާވީ ވެމްކޯގައި މަސައްކަތްކުރާ ޢަބްދުރަހީމް ނަމަކަށްކިޔާ މީހެކެވެ.

އެ ޕޯސްޓުން ފެންނަ ގޮތުގައިިިިި އެމީހާއަށް ބޮޑެތި އަނިޔާތަކެއް ލިބިފައިވެއެވެ. އެގޮތުން މޫނާ ހަށިގަނޑުގެ އެކި ތަންތަން މަށައިގެން ގޮސްފައިވެއެވެ.

ފުލުހުން ބުނި ގޮތުގައި އެ މައްސަލައާ ގުޅިގެން އަދި މީހަކު ހައްޔަރުކޮށްފައެއް ނުވެއެވެ. އެ މައްސަލަ ފުލުހުންގެންދަނީ ތަހުގީގު ކުރަމުންނެވެ.