އދ. މާމިގިލީގައި ފީނަން ގޮސްއުޅުނު 15 އަހަރު ކުޑަކުއްޖާ، ނިޔާވެފައި އޮއްވައި ފެނިއްޖެއެވެ.

ފުލުހުން ބުނީ، މިއަދު މެންދުރުގެ ވަގުތެއްގައި މާމިގިލި ކައިރިއަށް ފީނަން ގޮސްއުޅުނު 4 ކުދިންގެ ތެރެއިން އެއް ކުއްޖަކު ގެއްލިފައިވާ މައްސަލައެއް މިރޭ 19:00 އެހާކަންހާ އިރު ފުލުހުންނަށް ރިޕޯޓު ކޮށްފައިވާ ކަމަށެވެ.

އެ ކުއްޖާގެ ހަށިގަނޑު ފެނިފައިވަނީ މިރޭގެ ވަގުތެއްގައެވެ. އެ ކުއްޖާގެ ހަށިގަނޑު، މިހާރު ވަނީ މާމިގިލި ސިއްޚީ މަރުކަޒަށް ގެންގޮސްފައެވެ.