ބެއިރޫތުގެ ދެކުނުގެ އަވަށްތަކަށް އިސްރާއީލުން ދިން ވައިގެ ހަމަލާއެއްގައި މަރުވި މީހުންގެ އަދަދު 37 އަށް އަރާފައިވާ ކަމަށާއި އޭގެ ތެރޭގައި ތިން ކުޑަކުދިންނާއި ހަތް އަންހެނުން ހިމެނޭ ކަމަށް ލުބުނާނުގެ ހެލްތު މިނިސްޓީން ބުނެފިއެވެ.

ލުބުނާނުގެ ވެރިރަށް ދަހިޔާ ޑިސްޓްރިކްޓްގެ ދެ އިމާރާތެއް ސުންނާފަތިކޮށްލި މި ހަމަލާގައި 60 އަށް ވުރެ ގިނަ މީހުން ޒަހަމްވެފައިވާ ކަމަށް ހެލްތު މިނިސްޓްރީން ވަނީ ބުނެފައެވެ.

މަރުވި ތިން ކުދިންނަކީ އުމުރުން ހަތަރު އަހަރާއި ހަ އަހަރާއި 10 އަހަރުގެ ކުދިންނެވެ. މީގެ ތެރެއިން އިތުރު މީހުން ހޯދުމުގެ މަސައްކަތް ކަމާބެހޭ ފަރާތްތަކުން ދަނީ ކުރަމުންނެވެ.

"[ރެސްކިއު އޮޕަރޭޝަން] އިތުރު ދުވަހަކަށް ވެސް ކުރިއަށް ގެންދެވިދާނެ ކަމުގެ އިހުސާސް އެބައޮތް،" އަލްޖަޒީރާގެ ޑޯސާ ޖަބްބަރީ ބެއިރޫތުން ރިޕޯޓްކޮށްފައިވެ އެވެ.

ޕަބްލިކް ވޯކްސް އެންޑް ޓްރާންސްޕޯޓް މިނިސްޓަރު އަލީ ހަމީހު އަލްޖަޒީރާ އަރަބިކަށް މައުލޫމާތު ދެއްވަމުން ވިދާޅުވީ މީހުން ދިރިއުޅޭ އިމާރާތަކަށް ބޮން އެޅުމަކީ ހަނގުރާމައިގެ ޖަރީމާއެއް ކަމަށާއި އިސްރާއީލުން އެ ސަރަހައްދު ހަނގުރާމައިގެ ތެރެއަށް ވައްޓާލަމުންދާ ކަމަށެވެ.

އިސްރާއީލުގެ އަސްކަރިއްޔާއިން ބުނީ ހިޒްބުاللهގެ އެލީޓް ރަދުވާން ފޯސަސްގެ އިސް ބޭފުޅުންނަށް އަމާޒުކޮށް ބެއިރޫތު އަވަށުގައި ހަމަލާ ދީފައިވާ ކަމަށާއި، އެ ހަމަލާގައި ހިޒްބުاللهގެ 16 ހަނގުރާމަވެރިން މަރުވެފައިވާ ކަމަށެވެ.

ހިޒްބުالله އިން ބުނީ އެ ޖަމާއަތުގެ އެންމެ އިސް ދެ ކޮމާންޑަރުން ކަމަށްވާ އިބްރާހިމް އާކިލް އާއި އަހްމަދު މަހްމޫދު ވަހާބީގެ އިތުރުން އިތުރު 12 މީހަކު މަރާލާފައިވާ ކަމަށެވެ. މިދިޔަ ޖުލައި މަހު އިސްރާއީލުން ދިން ވައިގެ ހަމަލާއެއްގައި އެ ޖަމާއަތުގެ އެންމެ އިސް އަސްކަރީ ކޮމާންޑަރު ފުއާދު ޝުކްރު ވަނީ މަރުވެފަ އެވެ.

ލުބްނާނުގެ ދާޚިލީ ވަޒީރު ބައްސާމް މައުލާވީ ވިދާޅުވީ ލުބްނާނުގެ ދާޚިލީ ވަޒީރު ބައްސާމް މައުލާވީ ވިދާޅުވީ ލުބްނާނުގެ ރައްޔިތުން ދިރިއުޅޭ އަވަށަށް ދިން ހަމަލާއަށްފަހު ލުބްނާން އޮތީ "ނިންމަންޖެހޭ" މަރުހަލާއަކަށް ކަމަށާއި، ލުބުނާނުގެ ސަރަހައްދާ އިތުރަށް ހިލާފުވުން ހުއްޓުވުމަށާއި ސަލާމަތީ ހާލަތު އިތުރަށް ގޯސްވިޔަ ނުދިނުމަށް ކުރެވެން ހުރި ހުރިހާ ކަމެއް ކުރަން ޖެހޭ ކަމަށެވެ.

އިރާންގެ އެންމެ މަތީ ލީޑަރު އާޔަތުالله އަލީ ޚާމަނާއީ ވިދާޅުވީ އިސްރާއީލުން ކުރަނީ ހަނގުރާމަވެރިން ނޫން ކަމަށާއި ކުޑަކުދިންނާ ދެކޮޅަށް ހިންގަމުން ދަނީ ލަދުވެތި ޖަރީމާތަކެއް ކަމަށެވެ. އަދި ފަލަސްތީނުން ފެތުރެމުންދާ "މެލިގްނަންޓް ކެންސަރަސް ޓިއުމަރު" ނައްތާލުމަށް މުސްލިމުންގެ މެދުގައި "އެތެރޭގެ ބާރު" ހޯދުމަށް ވެސް އޭނާ ގޮވާލެއްވި އެވެ.

އިސްރާއީލުގެ އަސްކަރިއްޔާއިން ލުބުނާނުގެ އުތުރުގައި އޮންނަ ހިޒްބުاللهގެ "އަމާޒުތަކަށް ހަމަލާދޭ" ކަމަށް ރިޕޯޓްކޮށްފައިވާއިރު، ހޮނިހިރު ދުވަހުގެ މެންދުރު ފަހު އިސްރާއީލުގެ އަސްކަރިއްޔާއިން އެތައް ހަމަލާތަކެއް ދެމުން އަންނަ ކަމަށް އިސްރާއީލުގެ މީޑިއާތަކުން ވަނީ ރިޕޯޓްކޮށްފައެވެ.