ދަރިންގެ ޚަރަދު ކޯޓު މެދުވެރިކޮށް ދައްކަންޖެހޭ ފައިސާ ނުދޭ މީހުންގެ ވަނަވަރު ފޮޓޯއާއެކު ފެމިލީ ކޯޓުން ހާމަކުރަން ފަށައިފިއެވެ.

ފެމިލީ ކޯޓުން މިއަދު ވަނީ ފުރަތަމަ ފަހަރަށް މީހެއްގެ ވަނަވަރު ފޮޓޯއާ އެކު އާންމު ކޮށްފައެވެ.

Ad by Hajj Corporation

އެގޮތުން ކޯޓުން އާންމު ކޮށްފައިވަނީ މާލެ ދަފްތަރު ނަންބަރު 2758، އަހްމަދު އަލީގެ ވަނަވަރު އަދި ފޮޓޯ އެވެ.

އޭނާގެ ވަނަވަރު ހާމަކުރަމުން ފެމިލީ ކޯޓުން ބުނެފައިވަނީ، ސާބިތު ހަރަދަށް ފައިސާ ނުދައްކާ ފަރާތާމެދު ކޯޓުން އަޅާ ފިޔަވަޅެއްގެ ގޮތުގައި އޭނާ އަކީ، ދަރިފުޅުގެ ހަރަދުގެ ގޮތުގައި ކޯޓު މެދުވެރިކޮށް ދައްކަންޖެހޭ ފައިސާ ދައްކަމުން ނުދާ ފަރާތެއްކަން އާންމުކޮށް އަންގާ ކަމަށެވެ.

ސާބިތު ޚަރަދަށް ފައިސާ... - Family Court of the Maldives

އާއިލާއާ ބެހޭ ގަވައިދު މިހާރު އެކުލަވާލާފައި އޮތް ގޮތުން ދަރިންނަށް ހަރަދު ނުދޭ މީހުންގެ މައުލޫމާތު އާންމު ކުރެ އެވެ. އެގޮތުން އާއިލާއާ ބެހޭ ގަވާއިދުގެ 55 ވަނަ މާއްދާ އަކީ، ހުކުމާ އެއްގޮތަށް ސާބިތު ހަރަދުގެ ފައިސާ ނުދައްކައިގެން ހުށަހަޅައިފިނަމަ އަމަލުކުރާނެ ގޮތް ބަޔާންކުރާ މާއްދާ އެވެ.

މި މާއްދާގެ (ކ) ގެ (5) ވަނަ ނަންބަރުގެ ދަށުން ސާބިތު ހަރަދަށް ފައިސާ ނުދައްކާ ފަރާތްތަކުގެ މައުލޫމާތު އާންމުކޮށް ޝާއިޢު ކުރުމުގެ އިހްތިޔާރު އެ ކޯޓަކަށް ލިބިގެންވެ އެވެ.