މިނިސްޓްރީ އޮޕް ހަޔަރ އެޑިއުކޭޝަން އަދި ޖަޕާން އިންޓަރނޭޝަނަލް ކޯޕަރޭޝަން އޭޖެންސީ (ޖައިކާ) އިން "ދަ ޕްރޮޖެކްޓް ފޮރ ހިއުމަން ރިސޯސް ޑިވެލޮޕްމަންޓް ސްކޮލަރޝިޕް" (ޖޭ.ޑީ.އެސް) ގްރާންޓްގެ އެއްބަސްވުމުގައި ސޮއިކޮށްފިއެވެ.

މި އެއްބަސްވުމުގައި، ހަޔަރ އެޑިއުކޭޝަން މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. އަލީ ހައިދަރު އަހުމަދެވެ. އަދި ޖައިކާ މޯލްޑިވްސްގެ ފަރާތުން އެއްބަސްވުމުގައި ސޮއިކުރެއްވީ މޮޓޯ ޓަކީ އެވެ.

Ad by Hajj Corporation

މި އެއްބަސްވުމަކީ ޖަޕާނުގެ ޔުނިވާސިޓީތަކުން މާސްޓަރސް ޑިގްރީ ހާސިލުކުރުމުގެ ހަ ފުރުސަތެއް ރާއްޖޭގެ ސިވިލް ސަރވިސް މުވައްޒަފުންނަށް ފޯރުކޮއްދިނުމުގެ ގޮތުން ސޮއިކުރި އެއްބަސްވުމެކެވެ.

ޖައިކާގެ ޖޭ.ޑީ.އެސް ސްކޮލަރޝިޕް ގްރާންޓްގެ ދަށުން ދިވެހި ދައުލަތުގެ ސިވިލް ސަރވިސް މުވައްޒަފުންނަށް މަތީ ތައުލީމު ހާސިލުކުރުމުގެ ފުރުސަތު ވަނީ ހުޅުވާލެވިފައެވެ.

ޖަޕާން އިންޓަރނޭޝަނަލް ކޯޕަރޭޝަން އޭޖެންސީ (ޖައިކާ) އަކީ ދުނިޔޭގެ އެކި ޤައުމުތަކާއި ގުޅިގެން ތިމާވެއްޓާއި މޫސުމަށް އަންނަ ބަދަލުތަކާއި ސިއްހީ ދާއިރާ އަދި ތައުލީމީ ދާއިރާ ފަދަ މުހިއްމު އެކި ދާއިރާތަކަށް ބޭނުންވާ ކުރިއެރުމާއި ތަރައްގީ ހޯދައިދިނުމަށް މަސައްކަތްކުރުމަށް ޖަޕާނުގެ ދައުލަތުން ގާއިމުކޮށްފައިވާ އޭޖެންސީއެކެވެ.