ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ވިނަރެސް ފްލެޓުގެ އަށްވަނަ ޓަވަރުން މިއަދު ހަވީރު ވެއްޓުނު ޒުވާނާ މަރުވެއްޖެއެވެ.

ޒުވާނާ މަރުވެފައިވަނީ އޭނާ ވެއްޓުމާ ގުޅިގެން ހޮސްޕިޓަލްއަށް ގެންގޮސް ފަރުވާ ދެމުން ދަނިކޮށެވެ.

ފުލުހުން މައުލޫމާތު ދިންގޮތުގައި ނިޔާވެފައިވަނީ 18 އަހަރުގެ ދިވެހި ފިރިހެނެކެވެ.

ޒުވާނާ ވެއްޓުނީ ކިތަށްވަނަ ފަންގިފިލާއިންކަމެއް އަދި މިއީ ކިހިނެތް ހިނގި ހާދިސާއެއްކަން އަދި ސާފުވެފައެއް ނުވެއެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.