ރާއްޖެއިން ރިޕޯޓްކުރި އެމްޕޮކްސް ގެ ދެ ކޭސް ވެސް ނެގެޓިވްކަމަށް ސިއްޙަތާއި ބެހޭ ވަޒީރު ޑރ.އަބްދުﷲ ޙަލީލު ވިދާޅުވެއްޖެއެވެ.

ބިދޭސީންގެ މައްސަލައިގައި ހޯމް މިނިސްޓްރީ، އިކޮނޮމިކް މިނިސްޓްރީ އަދި ހެލްތް މިނިސްޓްރީ ގުޅިގެން މިހާރު ކުރިއަށްދާ ނޫސްވެރިންގެ ބައްދަލުވުމުގައި ރާއްޖެއިން އެމްޕޮކްސްގެ ކޭސްއެއް ފެނިފައިވޭތޯ ނޫސްވެރިއަކު ވަނީ ސުވާލުކޮށްފައެވެ. އެ ސުވާލަށް ޖަވާބުދެއްވަމުން، ވަޒީރު ޙަލީލް ވިދާޅުވީ އެމްޕޮކްސްގެ ދެ ކޭސްއެއް ރިޕޯޓް ކޮށްގެން ތަހުލީލު ކުރެވުނު ނަމަވެސް، އެ ދެ ކޭސް ވެސް ފައްސިވެފައިވަނީ ޗިކެން ޕޮކްސް އަަށް ކަމަށެވެ.

Ad by Hajj Corporation

އެމްޕޮކްސް އެއީ އެހާ ފަސޭހައިން ފެތުރޭ ބައްޔެއް ނޫން. މިހާ ހިސާބަށް އައިއިރު އެބަލީގެ އަލާމާތް ހުރި މީހަކުވެސް ރާއްޖެއިން ފެނިފައެއްނުވޭ އަދި ރާއްޖެއަށް އިމްޕޯޓްވެސް ވެފައިނުވޭ - ސިއްޙަތާއި ބެހޭ ވަޒީރު ޑރ.އަބްދުﷲ ޙަލީލު

ވަޒީރު އެފަދައިން ވިދާޅުވިއިރު، ރާއްޖޭގެ އަވައްޓެރި ޕާކިސްތާނުން ވެސް އެމްޕޮކްސްގެ ކޭސްއެއް ވަނީ ފެނިފައެވެ.

އެމްޕޮކްސް ނުވަތަ މަންކީޕޮކްސް އަކީ ޖަނަވާރުންގެ ގައިން އިންސާނުންގެ ގަޔަށް އަރާ ބައްޔެކެވެ. މިވައިރަސްގެ އަލާމާތްތައް ބޮޑަށް އެއްގޮތްވާނީ ސްމޯލް ޕޮކްސް ނަމަކަށް ކިޔާ ބައްޔަކާއި ކަމަށާއި އަދި މިއީ އެހާ ނުރައްކާތެރި ބައްޔެއްނޫންންކަމަށް ސައިންސްވެރިންގެ ތަހުލީލުތަކުން ހާމަވެއެވެ.

މީގެ އިތުރަށް މިދިޔަ އަހަރުގެ މޭ މަހުގައި ދުނިޔޭގެ ސިއްހަތާއި ބެހޭ ޖަމުއިއްޔާ ކަމަށްވާ ޑަބްލިއުއެޗްއޯ އިން ވަނީ މިބައްޔަކީ އާއްމު އިޖުތިމާއީ ރައްކާތެރިކަމަށް ގެއްލުން ހުރި ބައްޔެއް ނޫންކަމަށް ކަނޑައަޅާފައެވެ.