ޗެލްސީިއިން އަޔަކްސް ގެ ޑިފެންޑަރ ޖޮރެލް ހާޓޯގެ ސޮއިހޯދުމަށް މަސައްކަތްކުރަން ފަށައިފިއެވެ.

މި ޓްރާންސްފަރގައި ޗެލްސީއިން ރެލް ހާޓޯއާ ދެމެދު މަޝްވަރާތައް ވަރަށް ބާރު ސްޕީޑެއްގައި ކުރިއަށްދާ ކަމަށާއި، ދެފަރާތުން އަނގަބަހުން އެއްބަސްވުމަކަށް އައިސްފައިވާކަމަށް ރިޕޯޓްތައް ލިބެއެވެ. މިކުޅުންތެރިޔާގެ ސޮއި ހޯދުމަށް ޗެލްސީއިން އަޔަކްސްއަށް ގާތްގަނޑަކަށް 40 މިލިޔަން ޔޫރޯ ދައްކަންޖެހޭނެއެވެ.

ޕްރީމިއަރ ލީގުގެ ޓީމުތަކުން ސަމަރ ޓްރާންސްފާގައި ގިނަ ކުލުންތެރިންތަކެއް ސޮއިކުރަމުންގެންދާ މިދަނޑިވަޅުގައި، އަންނަ ސީޒަނުގެ ޗެންޕިއަންސް ލީގަށް ކޮލިފައިވެފައިވާ ޗެލްސީއިންވެސް ވަނީ ސްކޮޑް ވަރުގަދަކުރުމަށް ގިނަ ކުޅުންތެރިންތަކެއްގެ ސޮއި ހޯދަމުންެނެވެ.

ޗެލްސީއިން މި ސީޒަނުގައި މިހާތަނަށް 8 ކުޅުންތެރިއެއްގެ ސޮއި ވަނީ ހޯދާފައެވެ. އޭގެތެރޭގައި ގެންކް ގެ ގޯލް ކީޕަރު މައިކް ޕެންޑާސް އާއި ސްޕޯޓިންގ ގެ ޑިފެންސިވް މިޑްފީލްޑަރ ޑާރިއޯ އެސޫގޯ އާއި އިޕްސްވިޗްގެ ފޯވާޑް ލިއާމް ޑެލަޕް އާއި ސްޓްރެސްބާގް ގެ ޑިފެންޑަރ މަމަދު ސާ އާއި ބްރައިޓަންގެ ފޯވާޑް ޖޮއާއޯ ޕެޑްރޯއާއި ޑޯޓްމަންޑްގެ ވިންގް ކުޅުންތެރިޔާ ޖެމީ ގިޓެންސް އާއި ބްރެޒިލްގެ ޕަލްމެއިރާސްގެ އެސްޓެވާއޯ ހިމެނެއެވެ. މީގެ އިތުރުން އެޓޭކިން މިޑްފީލްޑަރެއްކަމުގައިވާ ކެންޑްރީ ޕައޭޒްގެ ސޮއިވެސް ޗެލްސީިއިން ވަނީ މި ސީޒަނުގައި ހޯދާފައެވެ.