ބާސެލޯނާގެ ގޯލްކީޕަރު އަދި އެޓީމުގެ ކެޕްޓަން ޓާ ސްޓެގެން އަތުން ކެޕްޓަން ބޭންޑް އަތުލުމަށް ކުލަބުން ނިންމައިފިއެވެ.

ކުލަބުން މިގޮތަށް ނިންމާފައިވަނީ ސްޓެގެން އާއި ކުލަބާއި ދެމެދު ނުތަނަވަސްކަން އުފެދިފައިވާ ދަނޑިވަޅެއްގައެވެ. ކުލަބާއި ސްޓެގެން އާއި ދެމެދު ނުތަނަވަސްކަން އުފެދުނީ ސްޓެގެންގެ އަނިޔާއާއި ގުޅިގެން ކުލަބުން އޭނާއަށް 4 މަހަށްވުރެ ގިނަ ދުވަހު ނުކުޅެވޭ ކަމަށްބަލައި، ކްލަބަށް އޭނާގެ މުސާރައިގެ 80 އިންސައްތަ ބޭނުންކޮށްގެން ޖޮއާން ގާސިއާއި ރަޝްފޯޑު ފަދަ އައު ކުޅުންތެރިން ރަޖިސްޓަރީ ކުރުމަށް ޕްލޭން ކުރެވިފައިވާ ދަނޑިވަޅެއްގައި، ކުލަބުން ސްޓެގެންގެ އަނިޔާއަކީ 4 މަސްދުވަސް ކަމުގައި އިޢުލާން ކުރުމުގެ ކުރިން،ސްޓެގެން އަމިއްލައަށް އޭނާގެ އަނިޔާގެ މުއްދަތަކީ ތިން މަސްކަމުގައި މީޑިޔާތަކަށް ހާމަކުރުމާއި ގުޅިގެންނެވެ. އެހެންކަމުން މިހާރު ކުލަބުން ކުރީގައި ޕްލޭންކުރެވިފައިވާގޮތަށް ސްޓެގެންގެ މުސާރައިން ބާކީވާބައިން ޖޮއާން ގާސިއާއި ރަޝްފޯޑު ރެޖިސްޓްރީ ކުރުމުގައި އިތުރު ދަތިތަކާއި ކުރިމަތިލާން ވަނީ ޖެހިފައެވެ.

Barca ge squad inUnikurumah Stegen shekolhuhdhumaaeku, Rashford aa Garcia registry kurumugai ithuru massalathakeh | Mendhuru TvTikTokYouTubeInstagramXFacebook

ސްޓެގެން މިގޮތަށް ކުރީބައިގައި އަމިއްލައަށް އަނިޔާގެ މުއްދަތު ހާމަކުރީ އޭނާގެ ނަން ލަލީގާގެ ރެޖިސްޓްރޭޝަން އިން އުނިކުރުން ހުއްޓުވަންކަމަށް ބާސާއިން ދެކެއެވެ. ކުޅުންތެރިންގެ އަނިޔާ 4 މަސްދުވަހަށްވުރެ ދިގުވާނަމަ، ލަލީގާގެ ގަވާއިދުބުނާގޮތުން އެކުޅުންތެރިޔާގެ ބަދަލުގައި އެހެންކުޅުންތެރިން ރެޖިސްޓްރީ ކުރެވޭނެއެވެ.

މިކަމާއި ގުޅިގެން ކުލަބުގެ މެނޭޖްމަންޓުން ނިންމާފައިވަނީ ސްޓެގެންގެ އަމަލުތަކާއި އަނިޔާއާއި ގުޅިގެން ހިނގާދިޔަ ކަންކަމަކީ ކެޕްޓަނެއްގެ ފަރާތުން ފެންނަން އެންމެ އެކަށީގެން ނުވާ ސިފަތަކެއްކަމަށްދެކި، އޭނާ އަތުން ކެޕްޓަން ބޭންޑް އަތުލުމެވެ.

ޖަރުމަނު ގޯލްކީޕަރާއި ކްލަބާ ދެމެދު މި މައްސަލައިގައި ދެބަސްވުން އުފެދިފައިވާއިރު، މިވަގުތު ބާސެލޯނާގެ ލަ ލީގާ ސްކޮޑުގައި ހިމެނޭ ހަމައެކަނި ގޯލްކީޕަރަކީ އިނާކީ ޕެނާއެވެ. މިހާރުގައި އޮތްގޮތުން ލީގުގައި ކުޅެވޭނީވެސް ހަމައެކަނި އޭނާއަށެވެ. މިދިޔަ ސީޒަނުގައި ބާސެލޯނާގެ ގޯލުބެލެހެއްޓި ސިޒެސްނީ ކޮންޓްރެކްޓް އައުކުރިނަމަވެސް އޭނާވެސް އަދި ރެޖިސްޓްރީކުރެވޭގޮތެއް ނުވެއެވެ.