ސްރީ ލަންކާގެ ރިޔާސީ އިންތިހާބު އަނޫރާ ކުމާރަ ޑިސެނަޔަކަ ކާމިޔާބު ކުރައްވައިފިއެވެ.

އޭނާ ވެގެން ދާނީ ލަންކާގެ ނުވަ ވަނަ ރައީސަށެވެ.

ސްރީލަންކާގެ ރައީސް ކަަމަށް ޑިސްނަޔަކަ އިންތިހާބުވެފައިވާކަން އިލެކްޝަންސް ކޮމިޝަނުންވެސް ވަނީ އިއުލާނު ކުރައްވާފައެވެ.

އިއްޔެ އޮތް ލަންކާގެ ރިޔާސީ އިންތިހާބުގައި ޖުމްލަ 38 ކެންޑިޑޭޓަކު ވާދަ ކުރެެއްވިއެވެ. އޭގެ ތެެރެއިން ބޮޑަށް ވާދަވެރިވާނެ ކަމަށް ބެލެވުނީވެސް ތިން ކެންޑިޑޭޓެކެވެ. އެއީ ޑިސެނަޔަކަގެ އިތުރުން އިދިކޮޅު ލީޑަރު ސަޖިތު ޕްރެމަދާސަ އާއި މިހާރު ރައީސްކަމުގެ މަގާމުގައި ހުންނެވި ރަނިލް ވިކްރަމްސިންހައެވެ.

އެހެން ނަމަވެސް އެއްވެސް ލީޑަރަކަށް %50 އިން މަތިން ވޯޓު ލިބިވަޑައިގެންފައިނުވުމުން، ދެވަނަ ބުރަކަށް ވަނީ ގޮސްފައެވެ. މިގޮތުން އެންމެ ގިނައިން ވޯޓު ލިބުނު ދެ ކެންޑިޑޭޓުންގެ މެދުގައި ޕްރިފަރެންސް ވޯޓުތައް ގުނަން ވަނީ ފަށައިފައެވެ.

މިއީ ލަންކާގެ ތާރީހުގައިވެސް ޕްރިފަރެންސް ވޯޓުތައް ގުނި ފުރަތަމަ ފަހަރެވެ..