ހއ އިން ފެށިގެން ކ އަތޮޅަށް ރީނދޫ ސަމާލު ނެރެފިއެވެ.

މޫސުމާ ބެހޭ އިދާރާއިން ބުނީ ރާއްޖޭގެ އެކި ހިސާބަށް ވިއްސާރަކުރާނެކަމަށާއި ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާ ކަމަށެވެ. އަދި ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް މެޓް އޮފީހުން ވަނީ ލަފާކޮށްފައެވެ.

Ad by Hajj Corporation

މީގެ އިތުރުން، ވިލާގަނޑުގައި 50 މޭލަށް ވައިގަދަވާނެކަމަށާއި ރާއްޖޭގެ ހުރިހާ ހިސާބަކަށްވެސް ކަނޑުތައް ގަދަވެ ރާޅުގެ އުސްމިން ހުންނާނީ 5-7 ފޫޓު ދެމެދުގަ ކަމަށް މައުލޫމާތުދެއެވެ.

ފާއިތުވި 24 ގަޑިއިރު އެންމެ ގަދައަށް ވިއްސާރަ ވެހެފައިވަނީ ބ. ދަރަވަންދޫއަށެވެ. އެގޮތުން އެރަށަށް 44.5 މިލިމީޓަރުގެ ވާރޭ ވެހުނުކަމަށް ރިކޯޑުކުރެވިފައިވާއިރު ، ކ. ދިއްފުއްޓަށް 29.8 މިލިމީޓަރުގެ ވާރޭ އަދި ނ. މާފަރަށް 28.3 މިލިމީޓަރުގެ ވާރޭވެހުނުކަމަށް ރިކޯޑުކުރެވިފައިވެއެވެ.