logo
ކުޅިވަރު

ސްޓެގެން އާއި ގުޅޭ ބާސާގެ މެޑިކަލް ރިޕޯޓުތައް ބަލައިނުގަތުމަށް ލަލީގާއިން ނިންމައިފި

އަބްދުﷲ ޣާނިމް
6 އޯގަސްޓު 2025 - 04:19
ސްޓެގެން
ސްޓެގެން

ސްޕެއިންގެ ފުޓްބޯޅަ ލީގު، ލަ ލީގާއިން ބާސެލޯނާގެ ގޯލްކީޕަރު މާކް-އަންދްރޭ ޓަރ ސްޓެގެންގެ ހުއްދައެއް ނެތި، ކްލަބުން ހުށަހަޅާ އެއްވެސް މެޑިކަލް ރިޕޯޓެއް ބަލައިނުގަތުމަށް ނިންމައިފިއެވެ. މިއީ ފައިނޭންޝަލް ފެއަރ ޕްލޭ (އެފްއެފްޕީ) އާ ގުޅިގެން ދެފަރާތުގެ ދެމެދުގައި އުފެދިފައިވާ ހިތްހަމަނުޖެހުންތަކާ ގުޅިގެންނެވެ.

ކެޓަލާން މީޑިއާ "ކެ ތި ޖުގެސް" އިން ރިޕޯޓުކުރި ގޮތުގައި، ބާސެލޯނާގެ އިންޓަރނަލް މެޑިކަލް އެސެސްމަންޓްތަކުގެ މައްޗަށް ލަ ލީގާއިން އިތުބާރު ގެއްލިފައިވާތީ، މިހާރު ޖަރުމަނު ގޯލްކީޕަރުގެ ސީދާ ޔަގީންކުރުން ބޭނުންވެއެވެ. މިވަގުތު ޓަރ ސްޓެގެން ކްލަބުގެ ފޯނު ކޯލުތަކަށް ޖަވާބު ނުދޭކަމަށާއި، ބައްދަލުވުންތަކަށްވެސް ހާޒިރުނުވާކަމަށް ވަނީ ފާހަގަކުރެވިފައެވެ.

Ad by Hajj Corporation

Ad by Hajj Corporation

ސްޓެގެންގެ ބާސެލޯނާ ލެޖެންޑަރީ ސްޓޭޓަސް ގެއްލިއްޖެ

ކެޓަލާން ނޫސްވެރިޔާ އަލްފްރެޑޯ މާޓިނެޒް ވަނީ ޓަރ ސްޓެގެން އޭނާގެ ލެޖެންޑަރީ ސްޓޭޓަސް ގެއްލުވާލައިފިކަމަށް ބުނެފައެވެ. "ޓަރ ސްޓެގެންއަށް ކްލަބުގެ ތާރީޚުގައި އެންމެ މޮޅު 3-4 ގޯލްކީޕަރުންގެ ތެރޭގައި ހިމެނި، ލެޖެންޑަރީ ދަރަޖައެއް ހޯދިދާނެ. އެކަމަކު ފަހަކަށް އައިސް އޭނާގެ އެޓިޓިއުޑްގެ ސަބަބުން އެ ހުރިހާ އެއްޗެއް ގެއްލުވާލަނީ،" މާޓިނެޒް ބުންޏެވެ.

2014 ވަނަ އަހަރުން ފެށިގެން ބާސެލޯނާގައި 11 އަހަރު ހޭދަކޮށްފައިވާ ޓަރ ސްޓެގެންގެ މި ޢަމަލުތަކާ ގުޅިގެން ކްލަބުން ވަރަށް ބޮޑަށް ނުރުހިފައިވާކަމަށް އިތުބާރުހުރި މަސްދަރުތަކުން މަޢުލޫމާތު ދެއެވެ. އަދި އޭނާގެ މައްޗަށް ޑިސިޕްލިނަރީ ފިޔަވަޅު އެޅުމަށް ކްލަބުން ރާވަމުންދާކަމަށްވެސް ބުނެވެއެވެ.

މި މައްސަލައާ ގުޅޭގޮތުން މިހާތަނަށް ބާސެލޯނާ އަދި ލަ ލީގާއިން ރަސްމީކޮށް އެއްވެސް ބަޔާނެއް ނެރެފައެއް ނުވެއެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ލަޕޯޓާ ބަނޑުއަޅައިފި! ބާސާއަށް ކޭމްޕްނޫގައި ކުޅުމުގެ ހުއްދަ ލިބުނުކަން ރަސްމީކޮށް އިޢުލާނުކުރަނީކުޅިވަރު | ދުވަހެއް ކުރިންޗެމްޕިއަންސް ލީގު ގުރުލައިފި: އާނޯލްޑް އެންފީލްޑަށް، ޔަމާލް އާއި ޑެމްބެލޭ ގަދަހިފުމަކަށްކުޅިވަރު | 3 ދުވަސް ކުރިންކަރުތާފެނުގައި އޮތް ބާސާ ސަލާމަތްވީ ފަހުގަޑީގައި އިނދިކޮޅުޓީމުން ބައިކޮޅަށް ޖެހި ގޯލަކުންކުޅިވަރު | 7 ދުވަސް ކުރިންބާސެލޯނާގެ މެޗު މަޔާމީގައި ކުޅުމާ ދެކޮޅަށް ކެޕްޓަން ސްޓެގެން ނިކުމެއްޖެކުޅިވަރު | 9 ދުވަސް ކުރިން