ބާސެލޯނާ ސެޕްޓެމްބަރު މަހު ކޭމްޕް ނޫއަށް އެނބުރި އަންނާނެކަން ޔަގީންވެއްޖެއެވެ. މި ތާރީހީ ސްޓޭޑިއަމަށް އެނބުރި އައުމުގެ ކައުންޓްޑައުން ފާހަގަކުރުމުގެ ގޮތުން ޕްރޮމޯޝަނަލް ވީޑިއޯއެއް ވަނީ ރެކޯޑުކުރުމުގެ މަސައްކަތް ކުރިޔަށް ގެންގޮސްފިއެވެ.

މި ވީޑިއޯގައި ކްލަބުގެ ރައީސް ޖުއާން ލަޕޯޓާ ސްޓޭޑިއަމްގެ ދަނޑުގެ މެދުގައި އޮށޯވެލައިގެން ހުރި މަންޒަރު ހިމެނެއެވެ. މީގެއިތުރުންވެސް ލަފޯޓާ ބަނޑުވަތަށް އޮށޯވެ ތެދުވާތަންވެސް ވީޑިއޯގައި ހިމެނޭކަމަށް ރިޕޯޓްތައް ލިބެއެވެ. މިއީ ބޮޑެތި މަރާމާތުތަކަށްފަހު ކްލަބު އެނބުރި އަންނަ އައުމުގެ ޖަޒުބާތީ ވަގުތު ދައްކުވައިދޭ މަންޒަރެކެވެ.

Ad by Hajj Corporation

2023 އިން ފެށިގެން މަރާމާތުގެ މަސައްކަތްތައް ކުރިއަށްދިޔަ ކޭމްޕް ނޫގައި ކުރަމުންގެންދާއިރު، ސްޕޮޓިފައި ކެމްޕްނޫ އަލުން ހުޅުވުމަށް ސިޓީ ކައުންސިލުން މިހާރުވަނީ ރަސްމީކޮށް ހުއްދަ ދީފައެވެ. މި ހުއްދައަކީ ސަލާމަތީ މިންގަނޑުތަކަށް ބަދަލު ގެނެސް ދޫކޮށްފައިވާ ހުއްދައެކެވެ.

މި ހުއްދައިގެ ދަށުން ސްޓޭޑިއަމް އަލުން ހުޅުވޭނީ މަރުހަލާތަކަކަށް ބަހާލައިގެންނެވެ. ފުރަތަމަ މަރުހަލާގައި 27،000 ސަޕޯޓަރުންނަށް ސްޓޭޑިއަމަށް ވަދެވޭނެއެވެ. މިއީ ކުލަބުގެ ތާރީހީ ސްޓޭޑިއަމްއަށް އަނބުރާ ވަނުމަށް އެޅުނު މުހިންމު ފިޔަވަޅެކެވެ.

Camp Nou gai match kulhumuge huhdha barca ah libijje | Mendhuru TvTikTokYouTubeInstagramXFacebook

މިހާރު ކުލަބުން ޕްލޭންކުރެވިފައިވާގޮތުން ސެޕްޓެމްބަރު 14 ގައި ވެލެންސިއާއާ ދެކޮޅަށް ކުޅޭ މެޗު ކުޅެންހަމަޖެހިފައިވަނީ ކޭމްޕް ނޫގައެވެ. އެތާރީޚަށް 30،000 މީހުންނަށް ސްޓޭޑިއަމަށް ވަދެވޭނެއެވެ. އަދި ކުރިއަށް އޮތް މަސްތަކުގައި އިތުރު ސްޓޭންޑްތައް ހުޅުވުމާއެކު މި އަދަދު 45،000 އަށް އިތުރުވެ، އަހަރު ނިމޭއިރު 62،000 މީހުންގެ ޖާގައަށް އިތުރުވާނެ ކަމަށް ބެލެވެއެވެ.

މީގެއިތުރުން، ބާސެލޯނާއިން ވަނީ މި ސީޒަންގެ ޗެމްޕިއަންސް ލީގުގެ މެޗުތައްވެސް ކޭމްޕް ނޫގައި ކުޅޭނެކަން ޔުއެފާއަށް އަންގާފައެވެ.