ޗެމްޕިއަންސް ލީގު ގުރުލައިފި: އާނޯލްޑް އެންފީލްޑަށް، ޔަމާލް އާއި ޑެމްބެލޭ ގަދަހިފުމަކަށް
28 އޯގަސްޓު 2025 - 18:14

2025/26 ވަނަ އަހަރުގެ ޔޫއެފާ ޗެމްޕިއަންސް ލީގުގެ ލީގު ފޭސްގައި ވާދަކުރާ 36 ޓީމުތައް ވާދަކުރަންޖެހޭ ޓީމުތައް މިއަދު މޮނާކޯގައި ބޭއްވުނު ގުރުއަތުލުމުގައި ކަނޑައަޅައިފިއެވެ. މި ގުރުއަތުލުމުން ކޮންމެ ޓީމަކަށްވެސް 8 ޓީމާއި ގްރޫޕް ސްޓޭޖުގައި ވާދަކުރަން ޖެހޭނެއެވެ.
މި އަހަރުގެ ޗެމްޕިއަންސް ލީގުގެ ލީގު ފޭސްގެ މެޗުތައް ކުޅެން ފަށާނީ 2025 ވަނަ އަހަރުގެ ސެޕްޓެމްބަރު 16 އިން 18 އަށެވެ. އަދި ފަހު މެޗުތައް ކުޅޭނީ 2026 ވަނަ އަހަރުގެ ޖެނުއަރީ 28 ގައެވެ. މުޅި ލީގު ފޭސްގައި ޖުމްލަ 8 މެޗްޑޭއެއް ކުޅޭނެއެވެ.

Ad by Hajj Corporation
ގުރުއަތުލުމުގައި ޓީމުތައް ހަތަރު ޕޮޓަކަށް ބަހާލެވިފައިވަނީ އެ ޓީމުތަކުގެ ކްލަބް ކޯއެފިޝަންޓަށް ބަލައިގެންނެވެ. ނަމަވެސް ޗެމްޕިއަންސް ލީގުގެ ޑިފެންޑިންގ ޗެމްޕިއަނުން ވަނީ ޕޮޓް 1 ގައި ސީޑްކުރެވިފައެވެ. ކޮންމެ ޓީމަކުވެސް ކޮންމެ ޕޮޓަކުން 2 ޓީމާއި ކުރިމަތިލާނެއެވެ. އޭގެ ތެރެއިން އެއް މެޗު ހޯމްގައި އަދި އަނެއް މެޗު އެވޭގައި ކުޅޭނެއެވެ.
ޗެންޕިއަންސް ލީގުގައި އެންމެ ފާހަގަކޮށްލެވޭ ޑްރޯ ތަކުގެ ތެރޭގައި ރެއާލް މެޑްރިޑް ސިޓީ އާއި ދެކޮޅަށް އަމިއްލަ ދަނޑުގައި ނިކުންނައިރު، ލިވަޕޫލާއި ދެކޮޅަށް އެންފީލްޑްގައި ނިކުންނާނެއެވެ. މީގެ އިތުރުންވެސް މިދިޔަ ސީޒަނުގެ އެންމެ މޮޅެ ދެޓީމުކަމަށްވާ ބާސާ އާއި ޕީއެސްޖީގެ ކުރިމަތިލުމެއްވެސް ގްރޫޕް ސްޓޭޖުގައި ފެނިގެންދާނެއެވެ.
ޕޮޓް 1 ގެ ޓީމުތައް ކުޅެން ޖެހޭ މެޗުތައް
ޕޮޓް 2 ގެ ޓީމުތައް ކުޅެން ޖެހޭ މެޗުތައް
ޕޮޓް 3 ގެ ޓީމުތައް ކުޅެން ޖެހޭ މެޗުތައް
ޕޮޓް 4 ގެ ޓީމުތައް ކުޅެން ޖެހޭ މެޗުތައް
ލީގު ފޭސްގައި އެއް ގައުމެއްގެ ޓީމުތަކާ ދިމައެއް ނުވާނެއެވެ. އަދި އެއް ޓީމަކަށްވެސް އެއް ގައުމެއްގެ 2 ޓީމަށްވުރެ ގިނަ ޓީމާ ދިމައެއް ނުވާނެއެވެ.
މިއަދު ކުރިޔަށްގެންދިޔަ ގުރުއަތުލުމުގެ ހަފްލާގައި ޗެލްސީއަށް ވަނީ ޔުއޭފާ ގެ ހުރިހާ މުބާރާތެއް ކާމިޔާބުކޮށްފައިވާތީ، އެކަންފާހަގަކޮށް އެވޯޑެއް ދީފައެވެ. މީގެ އިތުރުން ސްވިޑަންގެ ލެޖެންޑް ޒަލަޓަން އިބްރަހިމޮވިޗް އަށް ވަނީ ޔުއޭފާ ޕްރެސިޑެންޓް އެވޯޑް ދީފައެވެ.
2025/26 ވަނަ އަހަރުގެ ޔޫއެފާ ޗެމްޕިއަންސް ލީގުގެ ފައިނަލް މެޗު ކުޅޭނީ ހަންގެރީގެ ބުޑަޕެސްޓްގައި ހުންނަ ޕުސްކާސް އެރީނާގައި 2026 ވަނަ އަހަރުގެ މެއި 30 ވަނަ ދުވަހުއެވެ. މި އަހަރުގެ ފައިނަލް މެޗު ފެށޭ ގަޑި ވަނީ ކުރިއަށް ޖައްސާލާފައެވެ. އެގޮތުން މެޗު ފެށޭނީ ސެންޓްރަލް ޔޫރަޕިއަން ޓައިމުން ހަވީރު 6:00 ގައެވެ.