ބާސެލޯނާގެ މެޗު މަޔާމީގައި ކުޅުމާ ދެކޮޅަށް ކެޕްޓަން ސްޓެގެން ނިކުމެއްޖެ
22 އޯގަސްޓު 2025 - 06:54

ބާސެލޯނާގެ ގޯލްކީޕަރު އަދި ކެޕްޓަން މާކް-އެންޑްރޭ ޓެރް ސްޓެގެން ސްޕެނިޝް ޕްލެޔަރސް އެސޯސިއޭޝަން (އޭއެފްއީ) އިން ނެރުނު ބާސެލޯނާ އާއި ވިލާރިއާލްގެ މެޗު މަޔާމީގައި ކުޅުމަށް ހުށަހެޅި ހުށަހެޅުމާ ދެކޮޅު ބަޔާނުގައި ސޮއިކޮށްފިއެވެ. ސްޕޯޓުން ރިޕޯޓުކުރި ގޮތުގައި މި ހުށަހެޅުމަކީ ކުޅުންތެރިންނާ މަޝްވަރާ ނުކޮށް ނިންމި ނިންމުމެއް ކަމަށް ބުނެ "ނުރުހުން" ފާޅުކޮށްފައިވެއެވެ.
ވިލާރިއާލްގެ ކެޕްޓަން ޖެރާޑް މޮރެނޯ އާއެކު، ލަ ލީގާގެ ފަސްޓް ޑިވިޝަންގެ ހުރިހާ ކެޕްޓަނުންވެސް ވަނީ 2025 ވަނަ އަހަރުގެ ޑިސެމްބަރު 20 ވަނަ ދުވަހު ހާޑް ރޮކް ސްޓޭޑިއަމްގައި ކުޅުމަށް ހަމަޖެހިފައިވާ މެޗްޑޭ 17 ގެ މެޗާ ދެކޮޅު ހަދާފައެވެ.

Ad by Hajj Corporation
ބުރާސްފަތި ދުވަހު ބޭއްވުނު ބައްދަލުވުމަކަށްފަހު އޭއެފްއީ އިން ނެރުނު ބަޔާނުގައި، ލަ ލީގާ އާއި ރޯޔަލް ސްޕެނިޝް ފުޓްބޯޅަ ފެޑެރޭޝަން (އާރްއެފްއީއެފް) އިން ކުޅުންތެރިންނާ މަޝްވަރާ ނުކޮށް މި މެޗު ސްޕެއިނުން ބޭރުގައި ކުޅުމަށް ނިންމި ނިންމުމަށް ފާޑުކިޔާފައިވެއެވެ.
Barca ok, Villareal ok namaves Real ok eh noon, Miami gai match kulhen nimmumaaeku perez rathah | Mendhuru TvTikTokYouTubeInstagramXFacebook
"ކުޅުންތެރިންނާ މަޝްވަރާ ނުކޮށް އަދި އެއްވެސް މައުލޫމާތެއް ނުދީ، ލީގުން ކުރިއަށް ގެންދިޔަ މަޝްރޫއެއް އާރްއެފްއީއެފްގެ ބޯޑުން ފާސްކުރުމަކީ ކުޅުންތެރިންނަށް ދެވުނު އިހުތިރާމް ކުޑަކުރުންކަމުގައި ދެކެމެވެ" ބަޔާނުގައި ބުނެފައިވެއެވެ.
"އަޅުގަނޑުމެން މިތިބީ އެއް އަމާޒެއްގައި. އަޅުގަނޑުމެން ބޭނުންވަނީ އިހްތިރާމާއި ހާމަކަން،" އޭއެފްއީގެ ބަޔާނުގައި ވެއެވެ.
ސްޓެގެން މި ބަޔާނުގައި ސޮއިކުރީ އޭނާގެ އަނިޔާގެ މައްސަލަ ނުވަތަ ބާސެލޯނާއާއެކު ކޮންޓްރެކްޓް އައުކުރުމުގެ މަޝްވަރާތަކާ ގުޅިގެން ނޫންކަމަށް ބެލެވެއެވެ. އަދި އޭނާގެ މިނިންމުމަކީ ޓީމުތަކުގެ ހުރިހާ ކެޕްޓަނުންނާއެކު އެއް އަޑަކުން ވާހަކަ ދެއްކުމަށްޓަކައި ނިންމި ނިންމުމެއްކަމަށް ޤަބޫލުކުރެވެއެވެ.
ޔޫއެފާ އަދި ފީފާގެ ހުއްދަ ބޭނުންވާ މި ނިންމުމަކީ މެޗުގެ ކުރިން ތަމްރީނު ކުރުމަށް ހަމަޖެހިފައިވާ ޝެޑިއުލްތަކަށް ބަދަލު އަންނާނެ ކަމަކަށްވެފައި، ދަތުރުފަތުރުގެ ކަންކަން ހިމެނޭތީ، ކުޅުންތެރިން ބޭނުންވަނީ މިފަދަ ނިންމުންތައް ނިންމުމުގައި އެމީހުންގެ ބަހެއް އޮތުމެވެ.