ބްރެޒިލްގެ ޒުވާން އެޓޭކަރ އެސްޓެވާއޯ ޗެލްސީގެ ޓިމާއި ގުޅިެއްޖެއެވެ. އެސްޓެވާއޯ ޗެލްސީއާއި ގުޅުމަށް އެއްބަސްވެފައިވަނީ މީގެ އެއް އަހަރަށްވުރެ ގިނަ ދުވަސް ކުރިންނެވެ.

ފީފާގެ ޤަވާއިދުތައް ބުނާގޮތުން ކުޅުންތެރިއަކަށް 18 އަހަރުވުމުގެ ކުރިން ޓްރާންސްފަރ ފީއެއް ދައްކައިގެން އެއްކުލަބުން އަނެއް ކުލަބަށް ބަދަލެއް ނުވެވޭނެއެވެ. އެހެންކަމުން ކުޅުންތެރިޔާއަށް 18 އަހަރުވުމުގެ ކުރިން އެއްބަސްވުމަކަށް އައި ނަމަވެސް އެސްޓެވާއޯ އަށް 18 އަހަރުވަންދެން ޖެހުނީ އޭނާގެ ކުރީގެ ކުލަބު ޕަލްމެއިރާސްގައި މަޑުކުރާށެވެ. މި މުއްދަތުގައި އޭނާވަނީ ޕަލްމެއިރާސްގެ މުހިންމު ކުޅުންތެރިއަކަށްވެ، ސެޕްޓެމްބަރު މަހު ބްރެޒިލްގެ ސީނިއަރ ޓީމުގައިހިމެނި، ފަސް މެޗު ކުޅެފައެވެ.

މީގެއިތުރުން، މި އަހަރުގެ ކްލަބް ވޯލްޑް ކަޕްގައިވެސް އޭނާ ޕަލްމެއިރާސްގެ ޓީމަށްކުޅެފައެވެ. އެ މުބާރާތުގެ ކުއާޓަރ ފައިނަލްގައި ޗެލްސީއާ ދެކޮޅަށް އޭނާ ވަނީ ގޯލެއްވެސް ޖަހާފައެވެ. ނަމަވެސް އެ މެޗު ކާމިޔާބު ކުރީ ޗެލްސީއެވެ.

ކުރު މުއްދަތެއްގެ ބްރޭކަކަށްފަހު، އެސްޓެވާއޯ މިހާރުވަނީ 2024/25 ސީޒަނަށް ތައްޔާރުވުމަށް ޕްރީ-ސީޒަންގައި އޭނާގެ އައު ޓީމްމޭޓުންނާއެކު ބައިވެރިވެފައެވެ.