މެންޗެސްޓަރ ޔުނައިޓެޑްއިން ބްރައިޓަންގެ ކާލޯސް ބަލެބާ ސޮއިކުރުމަށް މަސައްކަތް ކުރި ނަމަވެސް، މި ޓްރާންފާގައި އެ ކުޅުންތެރިޔާ ވިއްކާލުމަށް ބްރައިޓަން ދެކޮޅު ހަދައިފިއެވެ.

ޔުނައިޓެޑްއިން ބަލެބާއަށް ރަސްމީ އޮފަރެއް ހުށަހެޅި ނަމަވެސް، އެއްވެސް އަގަކަށް އެ ކުޅުންތެރިޔާ ނުވިއްކާނެ ކަމަށް ބްރައިޓަންއިން ސާފުކޮށް ބުނެފައިވެއެވެ. 21 އަހަރުގެ މި ކުޅުންތެރިޔާ ޔުނައިޓެޑްއާ ގުޅުމަށް ޝައުގުވެރިކަން ފާޅުކުރި ނަމަވެސް، ކްލަބުން ބޭރުވުމަށް އެއްވެސްވަރަކަށް ބްރައިޓަންއަށް މަޖުބޫރެއް ނުކުރުވައެވެ.

ބްރައިޓަން އިން މި ޓްރާންސްފާގައި ބަލޭބާ ވިއްކާލުމަށް ދެކޮޅުހެދިނަމަވެސް އޭނާގެ ސޮއި ހޯދުމުގެ މަސައްކަތް އަންނަ ޓްރާންސްފާ ވިންޑޯގައި ޔުނައިޓެޑުން ކުރާނެކަމަށް ބެލެވެއެވެ. ޔުނައިޓެޑްގެ މެނޭޖްމަންޓް އަދި ކޯޗު ޤަބޫލުކުރާގޮތުގައި ބަލޭބާ އަކީ ޔުނައިޓެޑުގެ މެދުތެރޭގައި ވަރަށް މުހިންމު ދައުރެެއް އަދާކުރެވިދާނެ ކުލުންތެރިއެކެވެ.

މިއާއެކު ޔުނައިޓެޑުގެ މި ޓްރާންސްފާގެ އަމާޒު މިހާރު ހިފާފައިވަނީ ޕެލަސްގެ 21 އަހަރުގެ ޒުވާން މިޑްފީލްޑަރ ވާޓަން ސޮއިކުރުމަށްކަމަށް ރިޕޯޓްތައް ލިބެއެވެ. ޔުނައިޓެޑުން ވާޓަން ގަންނަން 60 މިލިޔަން ޕައުންޑް އާއި ގާތްކުރާ އަދަދެއް ހުށަލަޅާނެކަމަށް ބެލެވޭއިރު، އެއަގުގައި ޕެލަސްއިން ވާޓަން ދޫކޮށްލުމަކީ ނުވާނެކަމެއްކަމަށް ދިރާސާކުރާފަރާތްތަކުން ޤަބޫލުކުރެއެވެ.