ކ. ޒަމާނީ ރިސޯޓް ކައިރިން ގުރައިދޫއަށް ދަތުރުކުރި ޑިންގީއެއް ބަންޑުން ޖަހާލައި، އެ ޑިންގީގައި ދަތުރުކުރި 17 ބިދޭސީން މިރޭ ސަލާމަތްކޮށްފިއެވެ.

މި ހާދިސާ ހިނގިކަމުގެ މަޢުލޫމާތު ފުލުހުންނަށް ލިބުމާއެކު، ސަލާމަތްކުރުމުގެ މަސައްކަތް ވަނީ ފަށާފައެވެ.

Ad by Hajj Corporation

ފުލުހުން މަޢުލޫމާތު ދެއްވި ގޮތުގައި، ޑިންގީ ބަންޑުން ޖެހުމާ ގުޅިގެން އޭގައި ތިބި 3 މީހަކު ފަތައިގެން ޒަމާނީ އައިލެންޑަށް އަރާފައިވެއެވެ. އަދި ބާކީ ތިބި މީހުން ސަލާމަތްކުރުމުގެ މަސައްކަތް ވަނީ ކުރިއަށް ގެންގޮސްފައެވެ.

މި ހާދިސާއާ ގުޅިގެން މެރިން ޕޮލިސް، ކ. އަތޮޅު ޕޮލިސް އަދި ކ. އަތޮޅުގެ ރިސޯޓުތަކުގެ ލޯންޗުތައް އެ ސަރަހައްދުގައި ހަރަކާތްތެރިވެ، ސަލާމަތްކުރުމުގެ މަސައްކަތް ވަނީ ކުރިއަށް ގެންގޮސްފައެވެ. މި އޮޕަރޭޝަންގައި ރިސޯޓުތަކުގެ އެހީތެރިކަން ވެސް ވަނީ ލިބިފައެވެ.

ފުލުހުންނާއި ރިސޯޓުތަކުގެ އެހީތެރިކަމާއެކު ކުރިއަށް ގެންދިޔަ ސާރޗް އެންޑް ރެސްކިއު އޮޕަރޭޝަނުގައި، ޑިންގީގައި ދަތުރުކުރި އެންމެހާ ފަސިންޖަރުން ވަނީ ސަލާމަތްކޮށްފައެވެ. ސަލާމަތްކުރެވުނު އެންމެންނަކީ ވެސް ބިދޭސީންނެވެ.