ގެދޮރުވެރިޔާ ސްކީމަށް ކުރިން ލާފައިވާ ފޯމްތައް ބާތިލުކޮށް އަލުން ފޯމް ލުމުގެ ފުރުސަތު އެޗްޑީސީން ހުރިހާ ރައްޔިތުންނަށް ހުލުވާލައިފި ކަމަށް ބުނެ ދައުރުވަމުން ދަނީ ސައްހަ މެސެޖެއް ނޫންކަމަށް ފުލުހުން ބުނެފިއެވެ.

ފުލުހުން މިއަދު ނެރުނު ސެކޭމް އެލާޓުގައި ބުނެފައިވަނީ ގެދޮރުވެރިޔާ ސްކީމަށް ކުރިން ލާފައިވާފޯމްތައް ބާތިލުކޮށް އަލުން ފޯމްލުމުގެ ފުރުސަތު އެޗްޑީސީން ރާއްޖޭގެ ހުރިހާ ރައްޔިތުންނަށް ފޯމް ލެވޭގޮތަށް ހުޅުވާލައިފަކަމަށާއި، ފޯމް ވެބްސައިޓުން ލިބެން ހުންނާނެކަމަށް ބުނެ ދައުރުވަމުންދާ މެސަޖަކީ ސައްހަ މެސެޖެއް ނޫން ކަމަށެވެ.

Ad by Hajj Corporation

ގެދޮރުވެރިޔާ ސްކީމްގެ 4000 ފުލެޓް، އެއްބަސްވުމުގައި ސޮއި ކުރުމުގެ މަސައްކަތްތައް ކުރިއަށް ގެންދަނީ އެފްޑީސީން އެވެ. ފުލެޓްްތަކުގެ ހުރިހާ މައުލޫމާތެއް ހިއްސާ ކުރަމުންދަނީ އެކުންފުނީގެ އޮންލައިން ޕޯޓަލް މެދުވެރިކޮށެވެ. އަދި އޮންލައިންކޮށް ފުރަން ޖެހޭ އިތުރު ފޯމެއްގެ ލިންކް ފޯނަށް ނުފޮނުވާނެ ކަމުގެ ޔަގީންކަން އެކުންފުނިން ވަނީ ދީފައެވެ.

މަކަރާއި ހީލަތުން މީހުންގެ އަތުން ފައިސާ ހޯދުމަށް ފުކެޓް އެއްބަސްވުންތަކުގައި ސޮއި ކުރުމާއި ގުޅުވާގެން އަންނީ ސްކޭމް މެސެޖުތައް ފޮނުވަމުންނެވެ. މިފަދަ މެސެޖުތަކަށް ހުރިހާ ފަރާތްތަކުން ވެސް ސަމާލުވުމަށް ފުލުހުން އަންނަނީ އިލްތިމާސްކުރަމުންނެވެ.