logo
MPL

MPL

ޚަބަރު

ހުއްދަ ނުހޯދާ ހިންގަމުން ދިޔަ ކްލިނިކެއް ބަންދުކުރަން ފުލުހުން އަންގައިފި

އާމިނަތު އަނާތު ތަލްޢަތުއާމިނަތު އަނާތު ތަލްޢަތު
24 ސެޕްޓެމްބަރު 2024 - 06:24
ބަންދުކުރަން އެންގި ކްލިނިކް. ފޮޓޯ / ފަޒީސް ހިޖާމާ ތެރަޕީ ފޭސްބުކް ޕޭޖް
ބަންދުކުރަން އެންގި ކްލިނިކް. ފޮޓޯ / ފަޒީސް ހިޖާމާ ތެރަޕީ ފޭސްބުކް ޕޭޖް

ހެލްތް މިނިސްޓްރީން ހުއްދަ ނުހޯދާ ހިންގަމުން ދިޔަ "ފަޒީސް ހިޖާމާ ކްލިނިކް" ބަންދުކޮށްފިއެވެ.

ފުލުހުން ބުނީ، ހުއްދަ ނުހޯދާ ހިންގަމުން ދިޔަ ހިޖާމާ ކްލިނިކެއްގެ މައްސަލަ ބަލައިދޭން ހެލްތް މިނިސްޓްރީން އެދުމުން، އެ މައްސަލައާ ގުޅިގެން އިތުރަށް ފުލުހުން ބަލަންޖެހޭ ކަންކަން ބަލާފައިވާކަމަށެވެ. އަދި ޤާނޫނާއި ގަވާއިދާ އެއްގޮތަށް ނަގަން ޖެހޭ ހުއްދަ ނަގައިިގެން ކްލިނިކް ގެ ޚިދުމަތްތަށް ކުރިއަށް ގެންދިއުމަށް އަންގާފައިވާކަމަށާއި، ހުއްދަ ލިބެންދެން ޚިދުމަތް ހުއްޓާލުމަށް ލިޔުމުން ނަސޭހަތްތެރިވެފައިވާ ކަމަށެވެ.

Ad by Hajj Corporation

Ad by Hajj Corporation

އެ ކްލިނިކުގެ ފޭސްބުކް ޕޭޖުގައި ކޮށްފައިވާ ޕޯސްޓެއްގައި ބުނެފައިވަނީ އަލުން އެ ކްލިނިކްގެ ޚިދުމަތް ދޭން ފަށާނީ ހެލްތް މިނިސްޓްރީގެ ހުއްދަ ލިބުމުންކަމަށެވެ. އަދި މިހާރުވެސް ހުއްދަ ލިބޭތޯ މަސައްކަތް ކުރަމުން އަންނަ ކަމަށް އެ ޕޭޖުގައި ބުނެފައިވެއެވެ.

ނަގަންޖެހޭ ހުއްދަތައް ނުނަގައި ހިޖާމާ ޖެހުމުގެ ޚިދުމަތް ދެމުންދާތީ އެކަން ހުއްޓުމަށް ތަކުރާރުކޮށް ފަޒީލާއަށް މީކުރިންވެސް ހެލްތް މިނިސްޓްރީން އަންގާފައިވެއެވެ. ބައެއް މީޑިއާތަކަށް މީގެ ކުރިން ފަޒީލާ ބުނެފައިވާގޮތުގައި ކޮންމެ ސެޝަނަކަށް 1000ރ ގެ މަގުން ދުވާލެއްގެ މައްޗަށް 30000ރ ގެ އާމްދަނީއެއް އޭނާއަށް ލިބެއެވެ. އަދި މަހެއްގެ މައްޗަށް ގާތްގަނޑަކަށް 800000ރ ލިބޭ ކަމަށް ވެސް އޭނާ ބުނެފައިވެއެވެ.

 

Ad by Hajj Corporation

Ad by Hajj Corporation

ކޮމެންޓް

ގުޅުންހުރި ލިޔުންތައް

ޅައިމަގު ސިއްޙީ މަރުކަޒު މަޝްރޫޢުގެ 85 އިންސައްތަ ނިމިއްޖެޚަބަރު | ގަޑިއިރެއް ކުރިންހުއްދަ ނުހޯދާ ހިންގަމުން ދިޔަ ކްލިނިކެއް ބަންދުކުރަން ފުލުހުން އަންގައިފިޚަބަރު | 2 އަހަރު ކުރިން