ފުޓްބޯޅަ ދުނިޔޭގެ ސުޕަރ ސްޓާރ ކްރިސްޓިއާނޯ ރޮނާލްޑޯ އާއި އޭނާގެ ޕާރޓްނަރ ޖޯޖީނާ ރޮޑްރިގޭޒް އެންގޭޖްވެއްޖެއެވެ. ޖޯޖީނާ އާއެކު ރޮނާލްޑޯ އެކުގައި ދިރިއުޅެމުން އަންނަތާ ގާތްގަނޑަކަށް 10 އަހަރު ވެއްޖެއެވެ.

ޖޯޖީނާ މި އުފާވެރި ޚަބަރު ހިއްސާކޮށްފައިވަނީ އޭނާގެ އިންސްޓަގްރާމް އެކައުންޓުގައި އެމެރަލްޑް-ކަޓް ޑައިމަންޑް އަނގޮޓިއެއްގެ ފޮޓޯއާއެކުގައެވެ.

Ad by Hajj Corporation

40 އަހަރުގެ ރޮނާލްޑޯ އާއި ޖޯޖީނާ އަކީ 4 ކުދިންގެ މައިންބަފައިންނެވެ. އެއީ އަލާނާ، ބެލާ އަދި ރޮނާލްޑޯގެ ދެ ދަރިން އީވާ އާއި މަޓިއޯއެވެ. މީގެ ކުރިން ނެޓްފްލިކްސްގެ "އައި އެމް ޖޯޖީނާ" ޑޮކިއުމެންޓްރީގައި ރޮނާލްޑޯ ވަނީ ކައިވެނި ކުރުމާ ބެހޭގޮތުން ވާހަކަ ދައްކާފައެވެ.

މި އެންގޭޖްމަންޓްގެ ޚަބަރު އައުމުގެ ކުރިން، 2025 ގެ އޭޕްރިލް މަހު ޖޯޖީނާ ބޭނުން ކުރަމުންދިޔަ އަނގޮޓިއަކާ ގުޅިގެން ގިނަ ބަޔަކު ވަނީ މި ދެމަފިރިން އެންގޭޖްވެފައިވާ ކަމަށް ލަފާކޮށްފައެވެ.

މިހާރު އަލް-ނަސްރު ކުޅުންތެރިއެއްގެ ގޮތުގައި ކުޅެމުންދާ ރޮނާލްޑޯ އަކީ ރިފަހުގެ ތާރީޚުގައި ދުނިޔެދުއް އެންމެ މޮޅު އެއް ފުޓްބޯޅަ ކުޅުންތެރިޔާއެވެ. އޭނާ ވަނީ ފާއިތުވި ދެ މޫސުމުގައިވެސް ސައުދީ ޕްރޯ ލީގުގެ އެންމެ ގިނަ ލަނޑު ޖަހާ ކުޅުންތެރިޔާގެ މަގާމު ހޯދާފައެވެ.